బలపడుతున్న అల్పపీడనం.. కోస్తాంధ్ర, తెలంగాణకు భారీ వర్ష సూచన

ఒకట్రెండు రోజుల్లో తెలుగు రాష్ట్రాల్లో భారీ వర్షాలు కురుస్తాయని వాతావరణ శాఖ ప్రకటించింది. ఈశాన్య బంగాళాఖాతంలో ఏర్పడిందని, ఇది నైరుతి దిశగా కదులుతున్నట్లు వెల్లించింది. ఇది క్రమంగా బలపడి మంగళవారానికి వాయుగుండంగా మారే అవకాశముందని వాతావరణ శాఖ అధికారులు చెబుతున్నారు. నైరుతి రుతుపవనాల విస్తరణకు, వర్షాలు పెరిగేందుకు తెలుగు రాష్ట్రాల్లో అనుకూల వాతావరణం ఏర్పడిందని, దీని కారణంగా కోస్తా జిల్లాలు, తెలంగాణ ప్రాంతాల్లో రెండు మూడు రోజులు భారీ వర్షాలు కురుస్తాయని తెలిపారు అల్పపీడనం ప్రభావంతో సోమ, మంగళవారాల్లో ఛత్తీస్‌గఢ్‌, విదర్భ ప్రాంతాల్లో, జూలై 2న తెలంగాణలో భారీ నుంచి అతి భారీ వర్షాలు కురుస్తాయి. కోస్తాలో ఆదివారం నుంచి మంగళవారం వరకు అక్కడక్కడా భారీ వర్షాలు కురుస్తాయని, రాయలసీమలో ఓ మోస్తరు జల్లులు పడతాయని వాతావరణ శాఖ తెలిపింది. అల్పపీడనం బలపడి వాయుగుండంగా మారే పరిస్థితులు కనిపిస్తున్న నేపథ్యంలో మత్స్యకారులు సముద్రంలో చేపల వేటకు వెళ్లొద్దని హెచ్చరికలు జారీచేశారు.

By July 01, 2019 at 09:48AM

Read More https://telugu.samayam.com/latest-news/state-news/low-pressure-area-in-bay-of-bengal-heavy-rain-forecast-for-telugu-states/articleshow/70018673.cms