జీవితంలో మొదటిసారి నువ్వు నెగెటివ్ కావాలని కోరుకుంటున్నా.. భార్యపై నితిన్ కామెంట్స్ వైరల్

లాక్ డౌన్ వేళ పెళ్లి పీటలెక్కాడు యంగ్ హీరో నితిన్. కరోనా వైరస్ విజృంభిస్తోన్న వేళ కొవిడ్-19 నిబంధనలను అనుసరించి చాలా తక్కువ మంది సన్నిహితులు, కుటుంబ సభ్యుల మధ్య తన ఇష్టసఖి కందుకూరిని మనువాడాడు. 2020 సంవత్సరంలో ఈ ప్రేమ జంట పెళ్లి జరిగింది. అప్పటినుంచి ఎంతో అన్యూన్యంగా దాంపత్య జీవితాన్ని ఎంజాయ్ చేస్తున్నారు నితిన్- షాలిని. అయితే రీసెంట్‌గా ఈ క్యూట్ కపుల్ నడుమ కరోనా బూచి వచ్చి చేరింది. దీంతో దంపతులిద్దరూ వేరువేరుగా ఉంటున్నారు. కొద్దిరోజుల క్రితం నితిన్ భార్య షాలిని కరోనా బారిన పడింది. దీంతో ఆమె ఒంటరిగా హోమ్ ఐసోలేషన్‌లోకి వెళ్లి కుటుంబ సభ్యులకు దూరంగా ఉంటోంది. ఇంతలో ఆమె పుట్టినరోజు వేడుక రావడంతో నితిన్ చాలా డిఫరెంట్ ఆలోచన చేశాడు. భార్యపై ఉన్న ప్రేమకు కరోనా అడ్డుకాదని తెలిపేలా ఆమె బర్త్ డే వేడుక జరిపాడు. బంగ్లాలోంచి షాలిని చూస్తుండగా ఆమె బర్త్ డే కేక్ కట్ చేసి పుట్టినరోజు శుభాకాంక్షలు తెలిపాడు. ఇక ఈ వీడియోను తన సోషల్ మీడియా ఖాతాలో పోస్ట్ చేస్తూ ''కరోనాకి అడ్డంకులున్నాయి.. కానీ ప్రేమకు అడ్డంకులు లేవు. హ్యాపీ బర్త్‌డే మై లవ్.. జీవితంలో మొదటిసారి నువ్వు నెగెటివ్ కావాలని కోరుకుంటున్నా'' అని ట్వీట్ చేశాడు నితిన్. నితిన్ పెట్టిన ఈ పోస్ట్ చూసి ఆయన ఫ్యాన్స్ షాలిని పెద్ద ఎత్తున పుట్టినరోజు శుభాకాంక్షలు తెలుపుతున్నారు. త్వరగా ఆమె కోవిడ్ బారినుంచి బయటపడాలని కోరుకుంటున్నారు. ఇక నితిన్ సినిమాల విషయానికొస్తే.. ఇటీవలే మ్యాస్ట్రో సినిమాతో ప్రేక్షకుల ముందుకొచ్చిన ఆయన ప్రస్తుతం 'మాచర్ల నియోజక వర్గం' మూవీ చేస్తున్నారు. యాక్షన్ థ్రిల్లర్‌గా రూపొందుతున్న ఈ చిత్రంలో నితిన్ సరసన కృతి శెట్టి హీరోయిన్‌గా నటిస్తోంది. ప్రస్తుతం ఈ సినిమా షూటింగ్ దశలో ఉంది.

By January 07, 2022 at 08:56AM

Read More https://telugu.samayam.com/telugu-movies/cinema-news/nithiin-verity-wish-for-his-wife-shalini-birth-day/articleshow/88747060.cms