పాపను రక్షించేందుకు కారు అద్దాలు పగలగొట్టిన పోలీస్… అక్కడున్నది చూసి కంగుతిన్నాడు
ఎవరైనా ఆపదలో ఉంటే ఏదో ఒకటి చేసి కాపాడాలనుకుంటాం. అందులోనూ ఆ ప్రమాదంలో చిక్కుకున్నది పిల్లలైతే ముందు వెనుక ఆలోచించకుండా రక్షించే ప్రయత్నం చేస్తుంటాం. లండన్‌లో అలాగే జరిగింది. ఓ పోలీస్ ఆఫీసర్ ఓ పసిపాప కోసం పగలగొట్టాడు. తీరా అక్కడున్నది పాప కాదని తెలుసుకుని కంగుతిన్నాడు. ఈ ఘటన యూకేలోని క్లీవ్‌ ల్యాండ్‌‌లో జరిగింది. అమీ క్విల్లెన్ అనే మహిళ తన కూతురు డార్సితో కలసి షాపింగ్ చేయడానికి వెళ్లింది. అమీ తన కారును పార్క్ చేసి షాప్‌లోకి వెళ్లిపోయింది. తర్వాత కొద్ది సేపటికి కారును పార్క్ చేయడానికి ఇంకో వ్యక్తి అక్కడకి చేరుకున్నాడు. ఆ సమయంలో పక్కనే పార్క్ చేసి ఉన్న అమీ కారులో ఓ పసిపాప ఉండడాన్ని గమనించాడు. సీటు బెల్ట్ కూడా ఉంది. అలా ఒంటరిగా పసిపాప ఉండడాన్ని చూసిన ఆయన పాప ఊపిరి ఆడక ఇబ్బంది పడుతుందోమోనని చుట్టుపక్కల వారికి ఆ విషయం చెప్పాడు. వారు పోలీసులకు తెలియజేశారు. దాంతో అక్కడకు చేరుకున్నారు. కారులో ఉన్న చిన్నారిని చూశారు. పాపను రక్షించేందుకు ఓ పోలీస్ ఆఫీసర్ కారు అద్దాలను పగలగొట్టాడు. అయితే కారు సీటులో ఉన్న చిన్నారిని చూసి ఒక్కసారిగా షాక్ అయ్యాడు. అక్కడున్నవారందరూ కూాడా అవాక్కయ్యారు. కారులో ఉన్నది నిజమైన పాప కాదు.. బొమ్మ. చూడ్డానికి అచ్చం పాపాయిలాగే ఉండడంతో ఇంత హడావిడి చేసేశారు. ఆ తర్వాత అమీ అక్కడకు చేరుకుంది. పోలీసులు జరిగిన విషయాన్ని ఆమెకు చెప్పారు. దాంతో ఆ బొమ్మ గురించి వారికి చెప్పింది. ఆ బొమ్మ తన పాపాయికి ఎంతో ఇష్టమని , అందుకే ఎప్పుడూ తన వెంటే ఉంటుందని చెప్పింది. దాంతో పోలీసులు కంగు తిన్నారు. పైగా కారు బాగు చేసుకోవడానికి డబ్బులు ఇస్తామని చెప్పారు. ఈ మధ్య కాలంలో బొమ్మలు అచ్చం పిల్లల్లానే ఉంటున్నాయి. నిజమైనవేవో, బొమ్మలేవో గుర్తుపట్టలేనంతగా ఒకేలా ఉంటున్నాయి. దాంతో ఈ తిప్పలు వచ్చిపడ్డాయి.
By January 02, 2022 at 05:05PM
No comments