ఒమిక్రాన్ రీఇన్ఫెక్షన్ ముప్పు.. మాస్క్ తప్పనిసరి: ఆరోగ్య నిపుణుల హెచ్చరిక
దేశంలో థర్డ్ వేవ్‌కు కారణమైన వేరియంట్ దావానంలా వ్యాప్తిచెందుతోంది. రోజు రోజుకూ పాజిటివ్ కేసులు భారీగా నమోదవుతున్నాయి. కేవలం 20 రోజుల్లో యాక్టివ్ కేసులు 20 లక్షలు దాటేయడం వైరస్ వ్యాప్తి తీవ్రతకు అద్దం పడుతోంది. ఈ నేపథ్యంలో ఓమిక్రాన్ వచ్చే అవకాశాన్ని కొట్టిపారేయలేమని ఆరోగ్య నిపుణులు హెచ్చరిస్తున్నారు. వేరియంట్ వ్యాప్తి, మరణాలను పరిశీలిస్తే కోవిడ్ మార్గదర్శకాలు, వ్యాక్సినేషన్‌పై తిరిగి దృష్టి పెట్టాల్సిన అవసరం ఉందని అంటున్నారు. మహారాష్ట్ర టాస్క్‌ఫోర్స్ సభ్యుడు డాక్టర్ శశాంక్ జోషి మాట్లాడుతూ.. ‘‘కోవిడ్‌లో వేరియంట్‌తో సంబంధం లేకుండా రీఇన్ఫెక్షన్ అనేది అస్సలు విస్మరించలేనిది... ప్రజలు ఇటీవల ఓమిక్రాన్ ఇన్ఫెక్షన్ నుంచి కోలుకున్నప్పటికీ తప్పనిసరిగా ధరించాలి.. ఒకవే రిస్క్ తీసుకంటే ఈ వేరియంట్‌తో తిరిగి ఇన్ఫెక్షన్ సోకే అవకాశం ఇప్పటికీ తోసిపుచ్చలేం’’ అని తెలిపారు. కోవిడ్ టాస్క్‌ఫోర్స్‌లోని మరో సభ్యుడు డాక్టర్ రాహుల్ పండిట్ మాట్లాడుతూ.. ‘‘దేశంలో ఇప్పటి వరకూ ఏక్కడా ఒమిక్రాన్ రీఇన్ఫెక్షన్ కేసు అధికారికంగా బయటపడలేదు.. కానీ, వైరస్ నుంచి ఇటీవల కోలుకున్నా సరైన కోవిడ్ మార్గదర్శకాలను అనుసరించాలి.. ఎందుకంటే భవిష్యత్తులో ఏ వేరియంట్ పుట్టుకొస్తుందో ఎవరికీ తెలియదు... కాబట్టి మాస్క్ ధరించడం, భౌతికదూరం వంటి నిబంధనల ద్వారా రీఇన్ఫెక్షన్ ముప్పు నుంచి తప్పించుకోవచ్చు.. అది ఒమిక్రాన్ లేదా మరే ఇతర సార్స్-కోవి-2 వేరియంట్ కావచ్చు’’ అని పేర్కొన్నారు. ‘‘మూడు నెలల వ్యవధిలో రెండుసార్లు వైరస్ పాజిటివ్గా నిర్ధారణ అయితే రీఇన్‌ఫెక్షన్‌గా భావిస్తాం.. ఒమిక్రాన్ రీఇన్ఫెక్షన్ గురించి స్పష్టమైన సమాచారం పొందడానికి కొంత సమయం పడుతుంది.. ఏది ఏమైనప్పటికీ, ఇతర వేరియంట్‌ల మాదిరిగానే రెండు లేదా అంతకంటే ఎక్కువసార్లు పాజిటివ్గా నిర్దారణ కావడం కచ్చితంగా సాధ్యమే. కానీ, యాక్టివ్ రెప్లికేషన్ ద్వారా నిర్వచించే ఇన్ఫెక్షన్‌ను నిరూపించడం కష్టం’’ అని మైక్రోబయాలజిస్ట్ డాక్టర్ గగన్‌దీప్ కంగ్ అన్నారు. కాగా, ఒమిక్రాన్ రీఇన్ఫెక్షన్ గురించి హెచ్చరిస్తూ అమెరికన్ సైంటిస్ట్స్ ఫెడరేషన్ సీనియర్ ఫెలో, హెల్త్ ఎకనమిస్ట్ డాక్టర్ ఎరిక్ ఫైగల్ డింగ్ ఇటీవల ఓ ట్వీట్ చేశారు. ‘‘ఓమిక్రాన్ ఇన్ఫెక్షన్ తర్వాత కొత్త ఒమిక్రాన్ రీఇన్‌ఫెక్షన్‌ల గురించి ఇటీవల చాలా వృత్తాంతాలు ఉన్నాయి. మొదటి ఒమిక్రాన్ ఇన్ఫెక్షన్ రోగనిరోధక వ్యవస్థను తగినంతగా ప్రేరేపించకపోయినా లేదా రోగనిరోధక శక్తి తక్కువగా ఉంటే ఇది కచ్చితంగా సాధ్యమే. కాబట్టి ప్రజలు జాగ్రత్తగా ఉండాలి’’ అని ఆయన హెచ్చరించారు. ‘‘ఇటీవలి ఒమిక్రాన్ () బారినపడిన తర్వాత రీఇన్ఫెక్షన్ కేవలం పాత కేసులు కావచ్చు.. ఈ ఇన్ఫెక్షన్‌ల మొత్తాన్ని పరిగణనలోకి తీసుకుంటే చాలా అరుదుగా ఉండాలి.. మేము బలమైన డేటా కోసం వేచి చూస్తున్నాం.. కొంతమంది రోగులలో వైరస్ పాజిటివ్ చాలా కాలం పాటు ఉంటుంది కాబట్టి, ఇది రీఇన్ఫెక్షన్‌ను సూచించకపోవచ్చు... కానీ అదే ఇన్ఫెక్షన్‌లోని అవశేషం నాన్-ఇన్‌ఫక్టియస్ వైరస్‌ను సూచిస్తుంది’’ అని కోవిడ్ క్లినికల్ రిసెర్చ్ ఐసీఎంఆర్ నేషనల్ టాస్క్ ఫోర్స్‌కు చెందిన డాక్టర్ సంజయ్ పుజారీ వ్యాఖ్యానించారు.
By January 22, 2022 at 10:09AM
No comments