రాజమౌళిని తిట్టిన కారు డ్రైవర్.. జక్కన్న ఆలోచన మారడానికి కారణమదేనా?

పాన్ ఇండియా డైరెక్ట‌ర్‌గా బాహుబ‌లితో తెలుగు సినిమా రేంజ్‌ను ప్ర‌పంచానికి చాటిన డైరెక్ట‌ర్ రాజ‌మౌళి. ఈ ద‌ర్శ‌క‌ధీరుడి విష‌యంలో మ‌నం అంద‌రం గ‌ర్వంగానే ఫీల్ అవుతుంటాం. ఇంత పెద్ద డైరెక్ట‌ర్‌ను సినిమా మేకింగ్ విష‌యంలో అంద‌రూ అప్రిషియేట్ చేస్తుంటారు. అంద‌రితో అహా.. ఓహో అని అనిపించుకుంటున్న ఈ స్టార్ డైరెక్ట‌ర్‌ని ఓ వ్య‌క్తి సినిమాల విష‌యంలో గట్టిగానే విమ‌ర్శ‌లు చేశాడు. ఇది రాజ‌మౌళిని ఆలోచ‌న‌ల్లోకి మునిగేలా చేసింది. ఇంత‌కీ రాజ‌మౌళిని అంత‌లా విమ‌ర్శ‌లు చేసిన వ్య‌క్తి ఎవ‌రో తెలుసా? ఆయ‌న డ్రైవ‌ర్. ఏ సినిమా విష‌యంలోనో తెలుసా!..ఈగ సినిమా విష‌యంలో. త‌క్కువ బ‌డ్జెట్‌లో చేసిన ఈ సినిమా క‌లెక్ష‌న్స్ ప‌రంగా సరికొత్త రికార్డుల‌ను క్రియేట్ చేసింది. విఎఫ్ఎక్స్ ప‌రంగా సినిమా ప్రేక్ష‌కుల‌ను బాగా ఆక‌ట్టుకుంది. ఈ సినిమా త‌ర్వాత కారులో వెళుతున్న‌ప్పుడు డ్రైవ‌ర్ రాజ‌మౌళిపై సీరియ‌స్ అయ్యార‌ట‌. జంతువులు, కీట‌కాలు మీద సినిమాలు కాకుండా మ‌నుషుల మీద సినిమాలు తీయండి అన్నార‌ట‌. డ్రైవ‌ర్ త‌న‌ ప్రేమ‌ను ఇలా చూపించుకుంటున్నాడా? నా సినిమాపై ఇంత ప్రేమ‌, అభిమానం ఉందా? అని ఆలోచ‌న‌లో ప‌డ్డాడు. RRR సినిమా ముంబై ప్రమోషన్స్‌లో భాగంగా కపిల్ శర్మ టాక్ షోలో ఎన్టీఆర్, రామ్ చరణ్, ఆలియాలతో కలిసి రాజమౌళి పాల్గొన్నారు. ఆ సమయంలో ఈగ సినిమా ప్రస్తావన వచ్చినప్పుడు జక్కన్న ఈ విషయాన్ని గుర్తుకు చేసుకున్నారు. ఈగ సినిమాలో విలన్‌గా చేసిన కిచ్చా సుదీప్ పాత్రకు బాలీవుడ్ స్టార్ అజయ్ దేవగణ్ డబ్బింగ్ చెప్పడం విశేషం. ప్ర‌స్తుతం ఆయ‌న ద‌ర్శ‌క‌త్వంలో యంగ్ టైగ‌ర్ ఎన్టీఆర్‌, మెగా ప‌వ‌ర్‌స్టార్ రామ్ చ‌ర‌ణ్ హీరోలుగా రూపొందిన చిత్రం RRR. నాలుగు వంద‌ల కోట్ల రూపాయ‌ల‌తో డివివి దాన‌య్య ఈ చిత్రాన్ని నిర్మించారు. ఈ చిత్రంలో బాలీవుడ్ స్టార్స్ అజయ్ దేవ‌గ‌ణ్, ఆలియా భ‌ట్‌.. హాలీవుడ్ స్టార్స్ రే స్టీవెన్ స‌న్‌, అలిస‌న్ డూడి, ఒలివియా మోరిస్ న‌టించారు. తెలంగాణ గోండు వీరుడు కొమురం భీమ్‌గా ఎన్టీఆర్‌... మ‌న్యం వీరుడు అల్లూరి సీతా రామ‌రాజుగా రామ్ చ‌ర‌ణ్ న‌టించారు. 1920 బ్యాక్ డ్రాప్‌లో సాగే ఫిక్ష‌న‌ల్ పీరియాడిక్ మూవీ ఇది.

By January 06, 2022 at 11:31AM

Read More https://telugu.samayam.com/telugu-movies/cinema-news/rajamouli-intresting-comments-about-his-car-driver-in-eega/articleshow/88727620.cms