Breaking News

అది జస్ట్ జోక్.. సైనాకు బహిరంగ క్షమాపణ చెప్పిన హీరో సిద్దార్థ్


సోషల్ మీడియాలో హీరో దూకుడు గురించి ప్రత్యేకంగా చెప్పాల్సిన పని లేదు. ఎప్పటికప్పుడు సమాజంలో జరుగుతున్న సంఘటనలపై స్పందించే ఆయన, రీసెంట్‌గా స్టార్ షట్లర్, బ్యాడ్మింటన్ క్రీడాకారిణి చేసిన ఓ ట్వీట్‌పై రియాక్ట్ అయి వివాదంలో చిక్కుకున్న సంగతి తెలిసిందే. సిద్దార్థ్ రియాక్ట్ అయిన విధానాన్ని పలువురు తప్పుబట్టడంతో ఇష్యూ పెద్దదైంది. ఈ నేపథ్యంలో తాజాగా సైనాకు బహిరంగ చెబుతూ ఓ లెటర్ పోస్ట్ చేశారు సిద్దార్థ్. పంజాబ్‌లో దేశ ప్రధాని భద్రతకు సంబంధించిన అంశంపై సైనా నెహ్వాల్ స్పందిస్తూ.. ప్రధానికే భద్రత లేకపోతే ఇంకెవరికి ఉంటుందని ట్వీట్ చేయడంతో ఆ ట్వీట్‌పై సిద్దార్థ్ వ్యంగ్యంగా స్పందించారు. ఇందులో ఆయన వాడిన కాక్ అనే పదం పలు అభ్యంతరాలకు తావిచ్చింది. ఆ ఒక్క పదం వల్ల వివాదం తారాస్థాయికి చేరుకుంది. చిన్మయి సహా పలువురు ప్రముఖులు ఆగ్రహం వ్యక్తం చేశారు. ఒక మహిళను కించపరిచే కామెంట్ చేశాడంటూ ఏకంగా మహిళా కమీషన్ కూడా రంగంలోకి దిగి సిద్దార్థ్‌పై యాక్షన్ తీసుకునేందుకు సిద్ధమైంది. ఈ పరిస్థితుల నడుమ మరోసారి అదే ట్విట్టర్ వేదికగా స్పందించిన సిద్దార్థ్.. సైనాకు బహిరంగ క్షమాపణ చెబుతూ తన ట్వీట్‌పై వివరణ ఇచ్చుకున్నారు. తాను ఎవరినీ అగౌరవపరిచ లేదని చెప్పే ప్రయత్నం చేశారు. సైనా పెట్టిన ట్వీట్ మీద తాను రియాక్ట్ అవుతూ చేసిన ఆ కామెంట్.. ఒక జోక్ మాత్రమే అని సిద్దార్థ్ తన లేఖలో పేర్కొనడం విశేషం. కాకపోతే తాను చేసిన ఆ కామెంట్ చాలా మందిని బాధించిందని, మహిళలను కించపరుస్తూ కామెంట్స్ చేయాలనే ఉద్దేశంతో మాత్రం అలా చేయలేదని సిద్దార్థ్ తెలిపారు. సైనా నెహ్వాల్ ఓ గొప్ప క్రీడాకారిణి అని, ఆమెను ఎప్పుడూ గౌరవిస్తానని సిద్దార్థ్ అన్నారు. దీంతో ఈ ట్వీట్ నెట్టింట వైరల్ అవుతోంది.


By January 12, 2022 at 08:35AM


Read More https://telugu.samayam.com/telugu-movies/cinema-news/hero-siddharth-says-apology-to-saina-nehwal/articleshow/88845440.cms

No comments