రష్మికతో విజయ్ దేవరకొండ డిన్నర్ డేట్.. ఫుల్లుగా తాగేశానంటూ రౌడీ స్టార్ ఓపెన్!
రౌడీ స్టార్ , శాండిల్ వుడ్ బ్యూటీ మధ్య ఏదో న‌డుస్తుంద‌ని గ‌త కొన్నాళ్లుగా నెట్టింట వినిపడుతున్న వార్త‌లు. అయితే ఈ వార్త‌ల‌పై అటు విజయ్ దేవరకొండ.. ఇటు ర‌ష్మిక మంద‌న ఏనాడూ స్పందించ‌లేదు. ఇద్ద‌రి మధ్య స‌మ్ థింగ్ ఉన్న‌ప్ప‌టికీ ఏనాడూ బ‌య‌ట‌ప‌డ‌లేదు. సినిమా ఈవెంట్స్‌లో త‌ప్ప వారిద్దరూ ఎక్క‌డా జంట‌గా కెమెరా కంటికి చిక్క‌కుండా జాగ్ర‌త్త ప‌డుతూ వ‌చ్చారు. కానీ రీసెంట్‌గా వీరిద్ద‌రూ క‌లిసి ముంబైలోని ఓ రెస్టారెంట్‌కు వెళ్లారు. ఇంకేముంది కెమెరాలు క్లిక్ మ‌న్నాయి. వీడియోలు నెట్టింట వైర‌ల్ అయ్యాయి. సాధార‌ణంగా అయితే ముంబైలో విజయ్ దేవరకొండ, ర‌ష్మిక‌ను పెద్ద‌గా ప‌ట్టించుకోక పోయుండేవారు. కానీ ర‌ష్మిక ఇప్ప‌టికే పుష్ప వంటి పాన్ ఇండియా సినిమాతో ప్రేక్ష‌కుల‌ను ప‌ల‌క‌రించింది. మ‌రో వైపు బాలీవుడ్ సినిమాల్లోనూ న‌టిస్తుంది. అలాగే విజయ్ దేవరకొండ సైతం లైగ‌ర్ అనే పాన్ ఇండియా మూవీ చేస్తున్నారు. దీంతో ఇద్దరు స్టార్స్ రిక‌గ్నైజ్ అయ్యారు. కెమెరాలు క్లిక్ మ‌న్నాయి. ముంబై బాంద్రాలోని ఓ హోట‌ల్‌లో డిన్నర్ డేట్‌కు వెళ్లిన విజయ్ దేవరకొండ, ర‌ష్మిక బ‌య‌ట‌కు వ‌చ్చి కారెక్కే వీడియో నెట్టింట వైర‌ల్ అవుతుంది. ఈ వీడియో చూసిన వారంద‌రూ ఇద్ద‌రూ ప్రేమ‌లో ఉన్నారంటూ మ‌రోసారి కామెంట్స్ చేయ‌డం మొద‌లు పెట్టారు. దీనికి తోడు విజయ్ దేవరకొండ రీసెంట్‌గా ఓ ఫొటోను త‌న సోష‌ల్ మీడియాలో పోస్ట్ చేశారు. అందులో ఆయ‌న ఓ బాటిల్ ప‌ట్టుకున్నారు. గ‌త వారం నుంచి నేను ఎక్కువ‌గా తాగుతున్నాను అని కామెంట్ పెట్టారు. డిన్నర్ డేట్ స‌మ‌యంలో వేసుకున్న బ‌ట్ట‌ల‌నే విజయ్ దేవరకొండ వేసుకుని ఉండ‌టంతో స‌ద‌రు ఫొటోను ర‌ష్మిక మంద‌న తీసింద‌ని అంటున్నారు నెటిజ‌న్స్‌. విజయ్ దేవరకొండ, ర‌ష్మిక మంద‌న క‌లిసి ఇది వ‌ర‌కు గీత గోవిందం, డియ‌ర్ కామ్రేడ్ సినిమాలు చేసి ఆన్ స్క్రీన్ హిట్ పెయిర్‌గా పేరు తెచ్చుకున్నారు. ఆ సినిమాల‌తో ఇద్ద‌రి మధ్య మంచి ఫ్రెండ్ షిప్ ఏర్ప‌డింది. హైద‌రాబాద్ వ‌చ్చిన‌ప్పుడు ర‌ష్మిక విజయ్ దేవరకొండ ఇంటికి వెళ్లిన సంద‌ర్భాలు కూడా ఉన్నాయి.
By December 21, 2021 at 05:34PM
No comments