కిన్నెరసాని ట్రైలర్: కారణం లేని ప్రేమ, గమ్యం లేని ప్రయాణం చాలా గొప్పవి కదా!!
'విజేత' సినిమాతో సినీ ఎంట్రీ ఇచ్చిన చిరంజీవి అల్లుడు కళ్యాణ్ దేవ్.. 'కిన్నెరసాని' అనే మరో సినిమాతో ప్రేక్షకుల ముందుకు రాబోతున్నారు. రొమాంటిక్ సస్పెన్స్ థ్రిల్లర్‌‌గా అన్ని వర్గాల ఆడియన్స్‌ని ఆకట్టుకునేలా ఈ సినిమా రూపొందుతోంది. SRT ఎంటర్‌టైన్‌మెంట్స్, శుభమ్ ఎంటర్‌టైన్‌మెంట్స్ పతాకాలపై నిర్మిస్తున్న ఈ సినిమాకు దర్శకత్వం వహిస్తున్నారు. మహతి సాగర్ సంగీతం అందిస్తున్నారు. 2022 జనవరి 26న థియేటర్లలో ఈ సినిమా విడుదల కానున్న నేపథ్యంలో చిత్ర ప్రమోషన్స్‌ చేపడుతున్నారు. ఇందులో భాగంగా తాజాగా కిన్నెరసాని ట్రైలర్ రిలీజ్ చేశారు. ఇప్పటికే విడుదలైన ఈ సినిమా గ్లింప్స్ వీడియో ప్రేక్షకుల నుంచి మంచి ఆదరణ తెచ్చుకోగా తాజాగా విడుదల చేసిన ట్రైలర్ సినిమా పట్ల ఆసక్తి నెలకొల్పింది. ఈ ట్రైలర్ చూస్తుంటే మర్డర్ మిస్టరీ ప్రధానంగా ఈ సినిమా రూపొందించారని అర్థమవుతోంది. రెండు నిమిషాల 7 సెకనుల నిధితో కూడిన ఈ ట్రైలర్‌లో డైలాగ్స్ హైలైట్ అయ్యాయి. ''నీ ముందున్న సముద్రపు అలలను చూడు. కోపగించుకొని సముద్రాన్ని వదిలి వెళ్లి పోతున్నట్లున్నాయి. కానీ సముద్రం వాటిని వదలదు.. నేను కూడా అంతే'' అంటూ ట్రైలర్ ఓపెనింగ్‌లో వచ్చిన డైలాగ్, ''కారణం లేని ప్రేమ, గమ్యం లేని ప్రయాణం చాలా గొప్పవి కదా'' అంటూ హీరోయిన్ చెప్పిన డైలాగ్ సినిమాలో లవ్ అండ్ ఎమోషన్స్ ఏ రేంజ్‌లో ఉంటాయో చెబుతున్నాయి. ట్రైలర్ చివర్లో రవీంద్ర అజయ్ ‘మీకో రహస్యం చెప్పనా.. ఇది కథ కాదు.. ప్రతి అక్షరం నిజం’ అనే డైలాగ్ సినిమాపై హైప్ పెంచేసింది. ఆసక్తి రేకెత్తిస్తున్న సన్నివేశాలకు తోడు మహతి స్వర సాగర్ అందించిన బ్యాక్ గ్రౌండ్ స్కోర్ మరో హైలెట్‌గా నిలిచింది. ఈ సినిమాతో కళ్యాణ్ దేవ్ మరో మెట్టు ఎక్కబోతున్నట్లు తెలుస్తోంది.
By December 30, 2021 at 12:38PM
No comments