'పుష్ప' పబ్లిక్ టాక్: ఆ రెండు పాత్రలపై ఆడియన్స్ పెదవి విరుపు!! సుక్కు తప్పు చేశారా..?
తెలుగు సినీ పరిశ్రమలో భారీ సినిమాలు రాక చాలా కాలమే అయింది. కరోనా కారణంగా గత రెండేళ్లుగా సినీ ఇండస్ట్రీ కుదేలవడం, పెద్ద సినిమాలు లేకపోవడంతో ఆడియన్స్ నిరాశ చెందారు. అయితే ఇటీవల సీనియర్ స్టార్ హీరో బాలకృష్ణ 'అఖండ' సినిమాతో భారీ సక్సెస్ సాధించి ప్రేక్షకుల్లో జోష్ నింపగా.. దాన్ని కంటిన్యూ చేసేందుకు పుష్పరాజ్ రూపంలో పుష్ప సినిమాతో బరిలోకి దిగారు. సుకుమార్ రూపొందించిన 'పుష్ప' మూవీ ఈ రోజే (డిసెంబర్ 17) విడుదలై ప్రేక్షకుల నుంచి మిక్స్‌డ్ టాక్ అందుకుంటోంది. రెండు భాగాలుగా భారీ రేంజ్‌లో 'పుష్ప' మూవీని తెరకెక్కిస్తున్నట్లు ముందే ప్రకటించిన సుకుమార్.. అందులో తొలి భాగాన్ని 'పుష్ప ది రైజ్' పేరుతో ప్రేక్షకుల ముందుంచారు. దీంతో పుష్ప ప్రీమియర్ షోస్ భారీ ఆదరణ దక్కించుకున్నాయి. అయితే ఈ సినిమా చూసిన ఆడియన్స్, అల్లు అర్జున్ నటనపై ప్రశంసలు గుప్పిస్తున్నారు. ఇది వన్ మ్యాన్ షో అని, అల్లు అర్జున్ క్యారెక్టరైజేషన్, డైలాగ్ డెలివరీ, పాత్రలో ఒదిగిపోయిన తీరు సూపర్బ్ అంటూ కితాబిస్తున్నారు. కాకపోతే సినిమాలోని రెండు పాత్రలపై మాత్రం కొన్ని వర్గాల ప్రేక్షకుల పెదవి విరుపు స్పష్టంగా కనిపిస్తోంది. ఈ సినిమాలో మలయాళ టాలెంటెడ్ యాక్టర్ ఫహద్ ఫాసిల్ కీలక పాత్ర పోషించారు. ఆయన రోల్‌కి పెద్దగా ప్రాముఖ్యత ఇవ్వకపోవడం కాస్త మైనస్ అయిందనేది ప్రేక్షకుల వాదన. అయితే ఫహద్ ఫాసిల్ ప్రియార్టీ పుష్ప తొలి భాగం కంటే రెండో భాగంలో ఎక్కువగా ఉంటుందని సుక్కు ముందే చెప్పారు కాబట్టి ఇది పెద్దగా పరిగణలోకి తీసుకోవాల్సిన అవసరం లేదని బన్నీ ఫ్యాన్స్ అంటున్నారు. ఇదిలా అంటే చిత్రంలో సునీల్ పాత్ర కూడా అనుకున్నంత రేంజ్‌లో లేదని, మంగళం శీనుగా నెగిటివ్ రోల్‌లో సునీల్‌ని కొత్తగా చూడాలనుకున్న వారికి నిరాశ తప్పదని అంటున్నారు. ఇకపోతే హీరోయిన్ రష్మిక విషయంలోనూ ప్రేక్షకులు పూర్తి సంతృప్తి పొందలేదని సోషల్ మీడియాలో ఆడియన్స్ పెడుతున్న కామెంట్స్‌ని బట్టి తెలుస్తోంది. సో.. చూడాలి మరి ఈ టాక్ నడుమ పుష్ప మూవీ ఏ రేంజ్ సక్సెస్ సాధిస్తుందనేది!.
By December 17, 2021 at 11:17AM
No comments