Pfizer Vaccine బూస్టర్ డోస్‌కు అమెరికా అనుమతి.. కానీ, వారికి మాత్రమే!
ఫైజర్ వ్యాక్సిన్ బూస్టర్ డోస్‌కు అమెరికా ఫుడ్ అండ్ డ్రగ్ అడ్మినిస్ట్రేషన్ అనుమతించింది. 65 ఏళ్లు పైబడిన వృద్ధులు, తీవ్రమైన అనారోగ్య సమస్యలున్నవారికి బూస్టర్ డోస్‌గా వేసుకోవచ్చని తెలిపింది. రెండో డోస్ తీసుకున్న ఆరు నెలల తర్వాతే వేసుకోవాలని పేర్కొంది. ‘ఈ మహమ్మారి సమయంలో కోవిడ్-19 వ్యాక్సిన్‌ల విషయంలో ఎఫ్‌డీఏ నిర్ణయం తీసుకోవడంతో సైన్స్, ప్రస్తుతం అందుబాటులో ఉన్న డేటా మార్గనిర్దేశం చేస్తాయని నేటి చర్య నిరూపిస్తుంది’ అని FDA చీఫ్ జనత్ ఉడ్‌కాక్ తెలిపారు. గత వారం రెగ్యులేటరీ ఏజెన్సీ ఏర్పాటు చేసిన స్వతంత్ర నిపుణుల కమిటీ ఈ చర్యను సిఫారసు చేయడానికి అనుకూలంగా ఓటు వేసిన తర్వాత ఎఫ్‌డీఏ నిర్ణయం వెలువడింది. అయితే, 16 ఏళ్లు, అంతకంటే ఎక్కువ వయస్సు ఉన్న ప్రతి ఒక్కరికీ ఫైజర్ వ్యాక్సిన్ బూస్టర్‌ల అందజేయాలన్న సిఫార్సులను వైట్‌హౌస్ తోసిపుచ్చింది. అధ్యక్షుడు జో బైడెన్ యంత్రాంగం సుతిమెత్తగా మందలించింది. యువకులకు ప్రత్యేకంగా మయోకార్డిటిస్‌కు గురయ్యేవారికి ప్రయోజన-రిస్క్ బ్యాలెన్స్ భిన్నంగా ఉంటుందని వ్యాక్సిన్, అంటు వ్యాధి నిపుణులు, ఎపిడెమియాలజిస్టుల సమూహం నిర్ధారించింది. ఫైజర్ కోవిడ్ -19 బూస్టర్ డోస్ గురించి ప్రస్తుతం సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ)కి చెందిన ప్రత్యేక నిపుణుల బృందం చర్చిస్తోంది. వ్యాక్సిన్ తీసుకున్న వారి గురించి మరిన్ని సిఫార్సులను చేసే అవకాశం ఉంది. ఉదాహరణకు స్థూలకాయం ‘తీవ్రమైన కోవిడ్ ముప్పునకు గురిచేస్తుంది’ అని భావిస్తే.. 20 ఏళ్లుపైబడిన వీరు అమెరికా జనాభాలో 42 శాతానికి పైగా ఉంటారు. పనిచేసే ప్రదేశాలు SARS-CoV-2 సంస్థాగత లేదా వృత్తిపరమైన ఇబ్బందులకు దారితీస్తాయో కూడా CDC నిర్వచించాలి. ఇందులో భాగంగా ఆరోగ్య సంరక్షణ సిబ్బంది, ఉపాధ్యాయులు, డే కేర్ సిబ్బంది, దుకాణాల్లో కార్మికులు, షెల్టర్ హోంలో ఉన్నవారి గురించి FDA కు సూచనలు చేయాల్సి ఉంటుంది. తీవ్రమైన వ్యాధులు, అనారోగ్య సమస్యలు, అధిక ముప్పు ఎదుర్కొనే 18, అంతకంటే ఎక్కువ వయస్సు ఉన్నవారికి ఎఫ్‌డీఏ అత్యవసర వినియోగం ఫైజర్ వ్యాక్సిన్‌కు మాత్రమే వర్తిస్తుంది.
By September 23, 2021 at 08:49AM
No comments