RRR: రామ్ చరణ్ ఆన్ ఫైర్.. మెగా, నందమూరి అభిమానులకు గుడ్ న్యూస్

దేశ వ్యాప్తంగా ఉన్న జనం మూవీ కోసం ఆతృతగా ఎదురు చూస్తున్నారు. ఎప్పుడైతే ఈ పాన్ ఇండియా మూవీ ప్రకటించారో అప్పటినుంచే ఓ రేంజ్ అంచనాలు క్రియేట్ అయ్యాయి. యంగ్ స్టార్ హీరోలు , ఎన్టీఆర్ తెరపంచుకోనుండటం టాలీవుడ్ ప్రేక్షకులను మరింత ఆకర్షించింది. ఆ సమయం ఎప్పుడొప్పుడు వస్తుందా అని అటు మెగా ఫ్యాన్స్, ఇటు నందమూరి ఫ్యాన్స్ కళ్ళలో వత్తులు వేసుకొని చూస్తున్నారు. అయితే కరోనా మహమ్మారి వారి ఆశలపై నీళ్లు చల్లుతూ వచ్చింది. కరోనా ఎఫెక్ట్‌తో ఇప్పటికే చాలా సార్లు ఈ మూవీ షూటింగ్ వాయిదా వేశారు. ఈ నేపథ్యంలో రీసెంట్‌గా సెకండ్ వేవ్ కారణంగా వచ్చిన బ్రేక్‌కి ఇక ఫుల్‌స్టాప్ పడిందని తెలుపుతూ మెగా, నందమూరి అభిమానులకు గుడ్ న్యూస్ చెప్పాడు చెర్రీ హెయిర్ స్టైలిస్ట్ ఆలిమ్ హకీమ్. కోవిడ్ సెకండ్ వేవ్ కారణంగా ఆగిన RRR సినిమా షూటింగ్‌ను సోమ‌వారం హైద‌రాబాద్‌లో స్టార్ట్ చేసినట్టు తెలుపుతూ రామ్ చరణ్‌తో దిగిన లేటెస్ట్ పిక్ పోస్ట్ చేశాడు ఆలిమ్ హకీమ్. లాక్‌డౌన్ 2.0 సడలింపులు ఇవ్వడంతో తిరిగి సినిమా షూటింగ్స్ మొదలయ్యాయని, రామ్‌చ‌ర‌ణ్‌కు హెయిర్ స్టైల్ చేయ‌డం ద్వారా తన రోజు ప్రారంభించినట్లు ఆయన పేర్కొన్నారు. అంటే మిగిలిన కొంత భాగం షూట్ కంప్లీట్ చేసి చెప్పిన తేదీకే RRR విడుదల చేసే అవకాశం కనిపిస్తోంది. నిజానికి RRR మూవీ ఎప్పుడో విడుదల కావాల్సింది. జూలై 30, 2020న విడుదల చేస్తామని మొదట ప్రకటించారు. కానీ, అనుకున్న తేదీకి చిత్రీకరణ పూర్తి కాకపోవడంతో జనవరి 8, 2021న ప్రేక్షకుల ముందుకు తీసుకొస్తామని తెలిపారు. ఆ తర్వాత మళ్ళీ వాయిదా వేసి అక్టోబర్ 13, 2021న విడుదల చేస్తున్నట్లు తెలిపారు. కరోనా ఎఫెక్ట్ తగ్గింది కాబట్టి దాదాపు ఈ తేదీన RRR విడుదల కన్ఫర్మ్ అని తెలుస్తోంది. ఈ ఫిక్ష‌న‌ల్ పీరియాడిక‌ల్ డ్రామాలో మ‌న్యం వీరుడు అల్లూరి సీతారామ‌రాజు పాత్ర‌లో రామ్‌ చ‌ర‌ణ్ న‌టిస్తుంటే, కొమురం భీమ్ పాత్ర‌లో ఎన్టీఆర్ న‌టిస్తున్నారు. ఆలియా భట్, ఒలీవియా మోరిస్ హీరోయిన్లుగా నటిస్తున్నారు. కీరవాణి బాణీలు కడుతున్నారు.

By June 21, 2021 at 01:33PM

Read More https://telugu.samayam.com/telugu-movies/cinema-news/aalim-hakim-ram-charan-came-on-to-the-rrr-sets/articleshow/83710862.cms