Mehrene: పెళ్లికి ముందే చిల్ అవుతున్న బ్యూటీ.. సముద్రం అడుగున అతనితో రొమాంటిక్ మూమెంట్! వీడియో వైరల్
ఈ రోజుల్లో హీరో హీరోయిన్స్ యమ ఫాస్ట్ అయ్యారు. ట్రెండ్ ఫాలో అవుతూ డేటింగ్, ప్రేమ వ్యవహారాల్లో మునిగితేలుతున్నారు. ఇంకొందరు కాస్త ముందడుగేసి పెళ్లికి ముందే షికార్లు కొట్టడం, రొమాంటిక్ టూర్స్ వేయడం లాంటివి చేస్తున్నారు. అంతటితో ఆగడం లేదండోయ్.. ఆయా సంగతులను, ఫొటోలు, వీడియోలను సోషల్ మీడియా వేదికగా అభిమానులతో పంచుకుంటున్నారు. తాజాగా యంగ్ హీరోయిన్ అదే చేసింది. ఈ ముద్దుగుమ్మ షేర్ చేసిన అండర్ వాటర్ రొమాన్స్ వీడియో నెట్టింట వైరల్ అవుతోంది. చడీ చప్పుడూ లేకుండా పెళ్లి చేసుకోవడానికి సిద్దమైన హీరోయిన్ మెహ్రీన్.. ఇటీవలే ఎంగేజ్‌మెంట్ కూడా చేసుకుంది. హర్యానా మాజీ ముఖ్యమంత్రి, దివంగత భజన్ లాల్ మనవడు, ఆదంపూర్ ఎమ్మెల్యే కుల్దీప్ బిష్నోయి కుమారుడు, కాంగ్రెస్ యువ నేత భవ్య బిష్నోయిని మెహ్రీన్ పెళ్లాడబోతోంది. అయితే ఈ ప్రేమ పక్షులు పెళ్లికి ముందే ఫుల్లుగా ఎంజాయ్ చేస్తున్నారు. అందమైన ప్రదేశాలు చుట్టేస్తూ రొమాంటిక్ మూమెంట్స్ పంచుకుంటున్నారు. ఫిబ్రవరి నెలలో బర్త్‌డే సెలబ్రేషన్స్‌ కోసం గత నెలలో అండమాన్‌ వెళ్లామని, అక్కడ స్కూబా డైవింగ్‌ చేస్తున్న సమయంలో ‘విల్‌ యూ మ్యారీ మీ’ అనే కార్డుతో భవ్య నన్ను సర్‌ప్రైజ్ చేయడంతో తాను కూడా ఓకే చెప్పానని ఇటీవలే వెల్లడించిన మెహ్రీన్.. తాజాగా అందుకు సంబంధించిన వీడియో షేర్ చేసింది. ఇందులో సముద్రం అడుగున మెహ్రీన్ చేతికి రింగ్ తొడుగుతూ కనిపించారు భవ్య బిష్నోయి. అందాల తార మెహ్రీన్ పంచుకున్న ఈ రొమాంటిక్ మూమెంట్ చూసి ఫిదా అవుతున్నారు ఆమె ఫ్యాన్స్. ‘కృష్ణగాడి వీరప్రేమగాథ’ సినిమాతో తెలుగు ప్రేక్షకులను పలకరించింది పంజాబీ భామ మెహ్రీన్. ఆ తర్వాత ‘మహానుభావుడు’, ‘రాజా ది గ్రేట్’ చిత్రాలతో మంచి గుర్తింపు తెచ్చుకొని ‘F2’లో హనీ ఈజ్ ద బెస్ట్ అంటూ మాయ చేసింది. ప్రస్తుతం ‘F3’ సినిమాలో నటిస్తున్న మెహ్రీన్.. పెళ్లి కాగానే సినిమాలకు దూరం కాబోతోందని తెలుస్తోంది.
By April 11, 2021 at 12:10PM
No comments