Kamal Haasan: టార్చ్‌లైట్ వెలిగిందో.. లేదో.! అభ్యర్థుల అగచాట్లు.. అదిరిపోయే సెటైర్లు
సిల్వర్ స్క్రీన్‌ని ఏలిన హీరోలు.. సినీతారలు రాజకీయాల్లోకి రావడం కొత్తేమీ కాదు. తెలుగు, తమిళనాట ఈ ప్రభావం కాస్త ఎక్కువే. అప్పటి ఎంజీఆర్ నుంచి ఇప్పటి పవన్ కల్యాణ్ జనసేన వరకూ చాలా మంది సినీనటులు కొత్తపార్టీలతో ప్రజల్లోకి వచ్చారు. ఎంజీఆర్, ఎన్టీఆర్ వంటి సీనియర్లు ఏకంగా సీఎం పీఠాన్ని అధిరోహించి సత్తాచాటారు. ఆ తర్వాత వచ్చిన విజయ్‌కాంత్, చిరంజీవి కింగ్‌లు కాలేకపోయినా కింగ్‌మేకర్లుగా మిగిలారు. అయితే నటనతో తనకు సాటి లేరనిపించుకున్న .. తమిళ రాజకీయాల్లోకి ప్రవేశించిన సంగతి తెలిసిందే. త్వరలో జరగనున్న తమిళనాడు అసెంబ్లీ ఎన్నికల్లో కమల్ బరిలోకి దిగారు. తన పార్టీ మక్కల్ నీదిమయ్యం(ఎంఎన్‌ఎం) తరఫున అభ్యర్థులను నిలబెట్టారు. అంతవరకూ బాగానే ఉన్నా ఆయన పార్టీ గుర్తు టార్చ్‌లైట్‌పైనే విపరీతమైన సెటైర్లు పడుతున్నాయి. ప్రచారంలో భాగంగా అభ్యర్థులు తమ ఎన్నికల గుర్తును చూపించేందుకు పడుతున్న పాట్లు చూసి నెటిజన్లు నవ్వుకుంటున్నారు. కమల్ పార్టీ అభ్యర్థులు ప్రచార కార్యక్రమాల్లో పార్టీ గుర్తు చూపించేందుకు యత్నించి నవ్వులపాలవుతున్నారు. టార్చ్‌లైట్‌ని బయటికి తీసి స్విచ్ నొక్కి చూపించే ప్రయత్నం చేస్తున్నారు. అయితే ఆ టార్చ్‌లైట్ వెలుతురు కనిపించకపోవడంతో అసలు వెలిగిందా? లేదా? అని ఒకటికి రెండుసార్లు చూసుకోవాల్సి వస్తోంది. సరిగ్గా అదే పట్టేసిన ప్రతిపక్ష నేతలు, నెటిజన్లు టార్చ్‌లైట్‌ని అడ్డుపెట్టుకుని కమల్ పార్టీపై సెటైర్లు పేలుస్తున్నారు. కమల్ పార్టీ ఈ అసెంబ్లీ ఎన్నికల్లో అంత ప్రభావం చూపించేది లేదంటూ పరోక్షంగా విమర్శలు గుప్పిస్తున్నారు. టార్చ్‌లైట్ వెలిగిందో లేదో తెలియక ఇబ్బంది పడుతున్న నేతలను చూసి.. అంతగా ప్రభావం చూపని (ప్రకాశించని) చిహ్నమే ఇచ్చారంటూ పంచులు విసురుతున్నారు. రాత్రివేళల్లో మాత్రం వెలుతురు కనిపిస్తుండడంతో కొంచెం ఫర్వాలేదనిపించినా.. సోషల్ మీడియాలో నెటిజెన్లు మాత్రం ఓ ఆట ఆడేసుకుంటున్నారు. రాత్రి వేళైనా వెలుతురునిస్తుందా? అంటూ ఎగతాళి చేస్తున్నారు. Also Read:
By April 01, 2021 at 03:10PM
No comments