Wild Dog Twitter Review: నాగార్జున యాక్షన్ థ్రిల్లర్‌పై ఆడియన్స్ రియాక్షన్.. సమంత ఫీలింగ్స్ చూస్తే..
సీనియర్ హీరో అక్కినేని '' అంటూ యాక్షన్ థ్రిల్లర్‌తో రంగంలోకి దూకారు. అహిషోర్ సాల్మోన్ ద‌ర్శక‌త్వంలో తెరకెక్కిన ఈ సినిమాను మ్యాట్నీ ఎంట‌ర్‌టైన్‌మెంట్ బ్యానర్‌పై భారీ బడ్జెట్ కేటాయించి నిరంజన్‌రెడ్డి, అన్వేష్‌రెడ్డి సంయుక్తంగా నిర్మించారు. డేర్ డెవిల్ ఎన్‌కౌంటర్ స్పెషలిస్ట్ ఏసీపీ విజయ్ వర్మ పాత్రలో నాగార్జున నటించగా.. ఆయన సరసన దియా మీర్జా హీరోయిన్‌గా నటించారు. సయామీ ఖేర్ కీలక పాత్ర పోషించారు. సినిమా షూటింగ్ ప్రారంభమైనప్పటి నుంచే చిత్ర ప్రమోషన్స్‌పై ఫుల్ ఫోకస్ పెట్టిన దర్శకనిర్మాతలు ఈ సినిమాకు భారీ తీసుకురావడంలో సక్సెస్ అయ్యారు. మెగాస్టార్ చిరంజీవి చేతుల మీదుగా రిలీజ్ చేసిన ట్రైలర్ 'వైల్డ్ డాగ్' మూవీ ఏ రేంజ్‌లో ఉండబోతుందో చెప్పేసింది. విజయ్ వర్మగా నాగార్జున లుక్ అట్రాక్ట్ చేయడం, యాక్షన్స్ సీన్స్‌తో పాటు ఫ్యామిలీ ఎమోషన్స్ కూడా చూపించడంతో ఈ మూవీ కోసం తెలుగు ప్రేక్షకులు ఆతృతగా ఎదురు చూశారు. ఈ నేపథ్యంలో నేడు (ఏప్రిల్ 2) గ్రాండ్‌గా 'వైల్డ్ డాగ్' మూవీ ప్రేక్షకుల ముందుకు రాబోతోంది. ఈ సందర్భంగా పలువురు సినీ ప్రముఖులు నాగ్‌కి ఆల్ ది బెస్ట్ చెబుతున్నారు. కాగా, విడుదలకు ఒకరోజు ముందే ఈ మూవీ చూసిన నాగార్జున కోడలు, స్టార్ హీరోయిన్ సమంత సినిమాపై ప్రశంసల వర్షం కురిపించారు. కొద్ది సేపటి క్రితమే 'వైల్డ్ డాగ్' మూవీ చూశానని, సినిమా అద్భుతంగా ఉందని చెప్పారు సమంత. హాలీవుడ్ స్టైల్ నేరేషన్‌తో పాటు ఎమోషనల్ సీన్స్ ఆకట్టుకున్నాయని, ఇది సీట్ ఎడ్జ్ యాక్షన్ మూవీ అని పేర్కొంటూ సమంత ట్వీట్ చేశారు. ఇక ఈ మూవీ ప్రీమియర్స్ చూసిన ఆడియన్స్ సినిమాపై పాజిటివ్ రివ్యూ ఇస్తున్నారు. ఫస్టాఫ్ చాలా బాగుందని, ఎక్కడా కథను పక్కదారి పట్టించకుండా కాన్సెప్ట్‌పై ఫోకస్ పెడుతూ డైరెక్టర్ కథను నడిపించారని అంటున్నారు. ప్రీ ఇంటర్వెల్ ఫైట్ అదరగొట్టేశారని, ఎస్కేపింగ్ సీన్ చాలా బాగా వచ్చిందని ట్వీట్స్ వస్తున్నాయి. సెకండాఫ్ కూడా కథను ఆసక్తికరంగా నడిపించారని, అసలు థ్రిల్లింగ్ అంటే ఏంటో ఈ సినిమా చివరి 20 నిమిషాల్లో చూడొచ్చనే టాక్ బయటకొచ్చింది. క్లైమాక్స్ సీన్స్, ఎమోషన్స్ బాగా వర్కవుట్ అయ్యాయని ఆడియన్స్ అంటున్న మాట. అలాగే చిత్రంలో ఏసీపీ విజయ్ వర్మగా నాగార్జున నటనకు మంచి మార్కులు పడుతున్నాయి. విజువల్స్ బాగున్నాయని, కాకపోతే ఎమోషనల్ సీన్స్ కాస్త సాగదీశారని ట్వీట్స్ వస్తున్నాయి. సో.. ఇప్పటివరకైతే ఇలా ఉంది. మరి కాసేపట్లో 'తెలుగు సమయం' రివ్యూతో ఈ 'వైల్డ్ డాగ్' సినిమా ఎలా ఉందో చర్చించుకుందాం.
By April 02, 2021 at 07:03AM
No comments