పీకలదాక విస్కీ తాగించి ఏదేదో చేయించాడు.. ఆ ఒక్క సీన్.. డైరెక్టర్‌పై హీరో శ్రీరామ్ కామెంట్స్
రోజాపూలు, ఒకరికి ఒకరు వంటి చిత్రాలతో తెలుగు ప్రేక్షకుల మదిలో స్థానం సంపాదించుకున్నారు శ్రీరామ్. అయితే తెలుగులో కంటే తమిళంలోనే ఈయన పాపులారిటీ, క్రేజ్ ఎక్కువ. కెరీర్ ప్రారంభంలో తెలుగులో మంచి అవకాశాలు వచ్చినా.. రాను రాను ఆఫర్లు తగ్గిపోయాయి. అలా కోలీవుడ్‌లో కెరీర్ మంచి పీక్స్‌లోకి వెళ్లింది. ఆడవారు మాటలకు అర్థాలే వేరులే, స్నేహితులు సినిమాల్లో చేసిన సపోర్టింగ్ రోల్స్ మంచి పేరును తీసుకొచ్చాయి. అయితే చాలా రోజుల తరువాత మళ్లీ శ్రీరామ్ తెలుగు ప్రేక్షకుల ముందుకు వచ్చారు. , శ్రీరామ్ ప్రధాన పాత్రల్లో తెరకెక్కించిన సినిమా త్వరలోనే ఓటీటీలో రాబోతోంది. ఆహాలో ఈ మూవీ ఏప్రిల్ 2 నుంచి అందుబాటులోకి రానుంది. అయితే ఈ సందర్బంగా మూవీ ప్రమోషన్స్‌లో భాగంగా చిత్రయూనిట్ మీడియాతో ముచ్చటించారు. ఈ క్రమంలో శ్రీరామ్ మాట్లాడుతూ అనేక విషయాలను బయటకు చెప్పేశారు. ‘నేను రోజా పూలు సినిమాతో ఇండస్ట్రీలోకి వచ్చాను. ఇంకొన్ని రోజులు అయితే నేను వచ్చి 20 ఏళ్లు అవుతాయి. టైం ఎలా గడిచిపోయిందో తెలియడం లేదు. మళ్లీ ఇన్ని రోజుల తరువాత ఇలాంటి వేదిక దొరికింది. మా రఘురాం ప్రొడక్షన్, బాలుగారి దర్శకత్వంలో, వికాస్ గారి మ్యూజిక్, ఎడిటర్ చోటాగారితో పని చేయడం ఎంతో ఆనందంగా ఉంది. నా జీవితంలోనే అతి తక్కువ సమయంలో చేసిన సినిమా ఏదైనా ఉందంటే అది ఇదే. ఇంత తక్కువ టైంలో సినిమాను పూర్తి చేయొచ్చని ఇప్పుడే తెలుసుకున్నాను. కోవిడ్ టైంలో ఎక్కడో బయటకు వెళ్లి షూటింగ్ చేశాం. మంచి ఫుడ్ పెట్టారు. అలాంటి ఫుడ్ ఎక్కడా తినలేదు. రాహుల్ రామకృష్ణతో చేసిన ఆ ఒక్క సీన్, ఆ ఒక్క రోజు మాత్రం ఎంతో టెన్షన్ పడ్డాను. పీకలదాక విస్కీ తాగించి మా డైరెక్టర్ ఏదేదో చేయించేశాడు. ఆయన్ను చూసి ఏమారకండి.. అమాయకుడిలా కనిపిస్తాడు.. మైక్ లేకుండానే అక్కడి దాకా వినిపిస్తుంది..ఆయన ఓ టాస్క్ మాస్టర్.. గీత దాటకుండా ఎంతో క్లీన్‌గా తీసిన చిత్రమిది. మంచి థ్రిల్లర్ సినిమా ఇది. సీటు అంచున కూర్చోబెడుతుంది. ఎప్పుడు మొదలైంది.. ఎప్పుడు అయిపోయిందో కూడా తెలియకుండా ఉంటుంది. థ్రిల్లర్ సినిమాకు ఉండాల్సిన లక్షణమే అది. ఆహా అనేది మనకు దేవుడు ఇచ్చిన ప్రసాదం. చిన్న సినిమాలు, మీడియం రేంజ్ చిత్రాలను ఎంతోమంది ప్రేక్షకుల దగ్గరకు చేరేలా చేస్తోంది. ఎన్నో కోట్ల మంది ప్రేక్షకుల వద్దకు మా సినిమాను ఆహా తీసుకెళ్తోంది. నాకు ఈ అవకాశం ఇచ్చినందుకు అందరికీ థ్యాంక్స్’ అని అన్నారు.
By April 01, 2021 at 01:16PM
No comments