వకీల్ సాబ్ ఈవెంట్కి అలా రావాలని ముందే డిసైడ్ అయ్యాం.. టెన్షన్ పడ్డా.. పవన్ ఫ్యాన్స్‌పై అంజలి కామెంట్స్
ప్రెజెంట్ ఎక్కడ చూసినా పవన్ కళ్యాణ్ రీ- ఎంట్రీ మూవీ 'వకీల్ సాబ్' గురించిన డిస్కషన్స్ మాత్రమే నడుస్తున్నాయి. ఏప్రిల్ 9వ తేదీన ఈ సినిమా విడుదల కానున్న నేపథ్యంలో అందరి దృష్టి ఈ సినిమాపైనే ఉంది. ఈ పరిస్థితుల్లో ఇటీవలే 'వకీల్ సాబ్' ప్రీ రిలీజ్ ఈవెంట్ గ్రాండ్‌గా నిర్వహించింది చిత్రయూనిట్. హైదరాబాద్ శిల్పకళా వేదికలో జరిగిన ఈ ఈవెంట్‌లో హీరోయిన్స్ అంజలి, అనన్య నాగేళ్ల నాచురల్ లుక్‌లోనే అటెండ్ అయినప్పటికీ అందరి దృష్టినీ ఆకర్షించారు. మరీ ముఖ్యంగా రాజోలు బ్యూటీ ఎల్లో కలర్ శారీలో తళుక్కున మెరిశారు. దీంతో 'వకీల్ సాబ్' ఈవెంట్‌లో అంజలి స్పెషల్ అట్రాక్షన్ అయ్యారు. చీరకట్టులో కూడా ఇంత అందంగా కనిపిస్తూ కెమెరా కళ్లన్నీ తనమీదే పడేలా చేసుకోవచ్చని నిరూపించారు అంజలి. అలా ఆమెను చూసి ఎల్లో శారీలో అంజలి సూపర్‌గా ఉంది అనే కామెంట్స్ వెల్లువెత్తాయి. అయితే ఈ ఈవెంట్కి వెళ్లేముందు ఓ మీడియాతో మాట్లాడిన అంజలి తన శారీ లుక్, ఈ సినిమాలో లేడీ క్యారెక్టర్స్ గురించి స్పందించారు. మేము ప్రీ రిలీజ్ ఈవెంట్కి ఎలాంటి దుస్తులు ధరించాలని ఓ నెల ముందు నుంచే ప్లాన్ చేసుకున్నామని, ఈ మూవీలో రోల్‌ని మ్యాచ్ చేయడం కోసం శారీనే బెటర్ ఛాయిస్ అనుకున్నామని అంజలి తెలిపారు. ఈ సినిమాలో ముగ్గురు హీరోయిన్స్ రోల్స్ బాగుంటాయని, అయితే తన రోల్ మాత్రం సంతృప్తినిచ్చిందని, తనకు ఎప్పటికీ గుర్తుండిపోతుందని అన్నారు. ఈ రోల్ చేస్తున్నపుడు కాస్త టెన్షన్ పడ్డానని, ఒరిజినల్‌తో పోల్చుకోకుండా నా స్టైల్‌లో బెటర్‌గా చేశానని చెప్పారు. 'పవన్ కళ్యాణ్ ఫ్యాన్స్ ఇప్పుడు అంజలి ఫ్యాన్స్ కూడా అవుతారా?' అని రిపోర్టర్ అడిగిన ప్రశ్నపై 'అంతకుమించి ఇంకేమన్నా కావాలా?' అంటూ ఆసక్తికర రియాక్షన్ ఇచ్చారు అంజలి. 'పింక్' తెలుగు రీమేక్‌గా విడుదల కాబోతున్న 'వకీల్ సాబ్' చిత్రానికి వేణు శ్రీరామ్ దర్శకత్వం వహించగా.. దిల్ రాజు, బోనీ కపూర్ సంయుక్తంగా నిర్మించారు. ఈ మూవీలో పవన్ కళ్యాణ్ సరసన అంజలి, నివేదా థామస్, అనన్య నాగేళ్ల హీరోయిన్లుగా నటించారు. శృతి హాసన్ ముఖ్యపాత్ర పోషించారు.
By April 06, 2021 at 09:52AM
No comments