ఓ అమ్మాయితో డేటింగ్ చేస్తున్నానంటూ షాకిచ్చిన సాయి ధరమ్ తేజ్.. పెళ్లిపై ఇదీ మెగా మేనల్లుడి రియాక్షన్!
లాక్‌డౌన్ వేళ టాలీవుడ్ మోస్ట్ ఎలిజిబుల్ బ్యాచ్‌లర్స్ అంతా ఒక్కొక్కరుగా పెళ్లి పీటలెక్కేశారు. నిఖిల్, నితిన్, రానా, నిహారిక వరుసగా పెళ్లిళ్లు చేసుకున్నారు. దీంతో ఇంకా టాలీవుడ్‌లో మోస్ట్ ఎలిజిబుల్ బ్యాచ్‌లర్స్ లిస్టులో ఎవరెవరు ఉన్నారనేదానిపై అందరి కళ్ళు పడ్డాయి. ఇంకేముంది మెగా మేనల్లుడు దొరికేశాడు. ఈ హీరో పెళ్లి ఫిక్సయ్యిందంటూ వార్తలు గుప్పుమన్నాయి. మెగా ఫ్యామిలీ ఇప్పటికే అమ్మాయిని కూడా సెలెక్ట్ చేసిందని మే నెలలో పెళ్లి కూడా పెట్టుకున్నారని వార్తలు షికారు చేశాయి. ఈ నేపథ్యంలో తన పెళ్లి గురించి స్పందించిన సాయి ధరమ్ తేజ్.. తాను ఓ అమ్మాయితో డేటింగ్ చేస్తున్నానని సడెన్ చెప్పి సడెన్ షాకిచ్చారు. వైష్ణవ్ తేజ్ హీరోగా పరిచయం అయిన 'ఉప్పెన' సినిమా ప్రమోషన్స్‌లో భాగంగా వరుణ్ తేజ్, నిహారిక, వైష్ణవ్ లతో కలిసి ఓ ఇంటర్వ్యూలో పాల్గొన్న సాయి ధరమ్ తేజ్ ఈ విషయాన్ని వాళ్ళ ముందే చెప్పేశారు. దీంతో ఒక్కసారిగా అంతా షాకయ్యారు. ఆ తర్వాత ఆ షాక్ నుంచి తేరుకునేలా అసలు మ్యాటర్ రివీల్ చేశారు సాయి తేజ్. 'మరి లేకపోతే ఏంటి? నేను డేటింగ్‌లో ఉండడం కాదు.. మే నెలలో నా పెళ్లి కూడా జరుగుతుందంట' అంటూ ఫన్నీగా తన పెళ్లిపై వార్తలు రాసిన వాళ్లందరిపై సెటైర్లు వేశారు ఈ మెగా మేనల్లుడు. ఈ రకంగా తన పెళ్లి గురించి వార్తలు అబద్దం అని ఆయన కన్ఫర్మ్ చేశారు. వైవీఎస్ చౌదరి తెరకెక్కించిన ‘రేయ్'తో పరిచయం కావాల్సిన సాయి ధరమ్ తేజ్.. అది అనివార్య కారణాలతో వాయిదా పడడంతో ‘పిల్లా నువ్వు లేని జీవితం' ద్వారా హీరోగా ఎంట్రీ ఇచ్చి అనతికాలంలోనే బెస్ట్ యాక్టర్ అనిపించుకున్నారు. ''సుబ్రమణ్యం ఫర్ సేల్, సుప్రీమ్'' వంటి హిట్లను తన ఖాతాలో వేసుకున్న మెగా హీరో ఆ తర్వాత వరుస ఫ్లాపులతో ఇబ్బందులు పడి ‘చిత్రలహరి'తో తిరిగి హిట్ ట్రాక్ ఎక్కారు. ఆ వెంటనే మారుతి దర్శకత్వంలో రూపొందిన ‘ప్రతిరోజూ పండగే'తో మరో విజయం ఖాతాలో వేసుకున్నారు. ఇటీవలే ‘సోలో బ్రతుకే సో బెటర్'తో వరుసగా మూడో హిట్ సొంతం చేసుకున్నారు.
By February 16, 2021 at 01:42PM
No comments