సభలో అశ్లీల వీడియో చూస్తూ అడ్డంగా బుక్కయిన కాంగ్రెస్ ఎమ్మెల్సీ!
సభలో ఉండగా ఓ ప్రజాప్రతినిధి అశ్లీల వీడియోను చూస్తూ కెమెరాకు చిక్కినట్టు సోషల్ మీడియాలో వైరల్ అవుతోంది. ఈ ఘటన కర్ణాటక విధాన పరిషత్‌లో శుక్రవారం చోటుచేసుకోగా.. ఈ వీడియోను కాంగ్రెస్ నేత, ఎమ్మెల్సీ ప్రకాష్ రాథోడ్ చూసినట్టు స్థానిక మీడియాలో ప్రసారం అయ్యింది. ఇది వైరల్ కావడంతో ఎమ్మెల్సీ ప్రకాష్ రాథోడ్ చిక్కుల్లోపడ్డారు. సభ జరుగుతుండగానే రాథోడ్ తన మొబైల్‌లో అశ్లీల వీడియో చూస్తున్నారని బీజేపీ నేతలు ఆరోపిస్తున్నారు. ఇది సభ మర్యాదను కించపరచడమేనని, తక్షణమే ప్రకాష్ రాథోడ్ రాజీనామా చేయాలని బీజేపీ నేతలు డిమాండ్ చేస్తున్నారు. కాంగ్రెస్ ఎమ్మెల్సీ ప్రకాష్ రాథోడ్‌కు సంబంధించిన ఒక వీడియో సోషల్ మీడియాలో వైరల్‌గా అవుతుండగా. ఈ క్లిప్‌లో ఆయన తన మొబైల్ ఫోన్ స్టోరేజీ క్లియర్ చేస్తూ కనిపిస్తున్నారు. మరో క్లిప్‌లో ఆయన ఫోనులో అశ్లీల వీడియో క్లిప్పింగ్‌లు కూడా కనిపిస్తున్నాయి. అయితే రాథోడ్ ఆ క్లిప్‌లను క్లిక్ చేయకుండా.. సర్ఫింగ్ చేస్తున్నట్టు కనబడుతోంది. కానీ, స్థానిక మీడియాలో ఇది ప్రసారం కావడంతో వీడియో క్లిప్ వైరల్‌గా మారింది. ఈ వివాదంపై స్పందించారు. తన ఫోను స్టోరేజ్ నిండిపోయిందని, తాను ఒక ఫైల్ డౌన్‌లోడ్ చేయడానికి ప్రయత్నించానని అన్నారు. ఫోనులో స్పేస్ లేకపోవడంతో ఫైల్ డౌన్‌లోడ్ కాలేదని తెలిపారు. తాను సభలో ఒక ప్రశ్నను డౌన్‌లోడ్ చేసుకునేందుకు మొబైల్ వాడానని, తాను చెప్పే వాస్తవాలను గుర్తించాలని కోరారు. తాను ఎటువంటి అశ్లీల వీడియో చూడలేదని స్పష్టం చేశారు. ఈ సందర్భంగా బీజేపీ ప్రతినిధి ఎస్ ప్రకాష్ మాట్లాడుతూ కాంగ్రెస్ ఎమ్మెల్సీ ప్రకాష్ రాథోడ్‌ను ఆ పార్టీ బహిష్కరించాలని డిమాండ్ చేశారు. ఇదిలా ఉండగా, సభలో ఫోన్ వినియోగించరాదనే నిబంధనను రాథోడ్ ఉల్లంఘించారని, దీనిపై కౌన్సిల్ ఛైర్మన్ క్రమశిక్షణ చర్యలు తీసుకునే అవకాశం ఉందని ఓ సీనియర్ అధికారి అన్నారు. కర్ణాటక శాసనసభలో ప్రజాప్రతినిధులు అశ్లీల వీడియోలు చూడటం కొత్తేం కాదు. తొమ్మిదేళ్ల కిందట బీజేపీ మంత్రులు అశ్లీల వీడియోలు చూస్తూ కెమెరాకు చిక్కిన విషయం తెలిసిందే. ఈ ఘటనపై విమర్శలు వెల్లువెత్తడంతో ముగ్గురు మంత్రులూ రాజీనామా చేశారు. అప్పటి నుంచి ఎమ్మెల్యేలు, ఎమ్మెల్సీలు సభలో ఫోన్ వినియోగంపై నిషేధం విధించారు. సభ్యులు తమ మొబైల్స్‌ను సభలోకి వచ్చే ముందు లాకర్లలో భద్రపరచాలి.
By January 30, 2021 at 01:23PM
No comments