ఫేస్ బుక్ నుంచి మాధవీలత ఔట్.. బూతు పంచాయితీకి తెరదించుతూ షాకింగ్ నిర్ణయం
సినీనటి, బీజేపీ యువ నాయకురాలు షాకింగ్ నిర్ణయం తీసుకున్నారు. దాదాపు 5.6 మిలియన్ల మంది ఫాలోవర్స్ ఉన్న తన పర్సనల్ ఫేస్ బుక్ ఖాతా నుంచి తప్పుకున్నారు. ఈ విషయాన్ని తెలియజేస్తూ ఫేస్ బుక్‌లో పోస్ట్ పెట్టారు మాధవీలత. ‘ప్రియమైన ఫాలోవర్స్.. నా ఫేస్ బుక్‌లో నెగిటివిటీకి పూర్తిగా విసుగుచెందాను. దాదాపు 90 శాతం మంది నాపై నెగిటివ్‌గానే స్పందిస్తున్నారు. ఈ సమాజానికి ఫేక్ అండ్ ప్లాస్టిక్ నవ్వులే కావాలి. నేను అలా ఉండలేను. ఈరోజు నుంచి నా ఫేస్ బుక్‌ని నేను హ్యాండిల్ చేయడం లేదు. ఇకపై నా టీం హ్యాండిల్ చేస్తుంది. ఏదైనా ముఖ్యమైన సమాచారం ఉంటే ఇంట్రాక్ట్ అవుతాను. నన్ను అభిమానించే వాళ్లు ప్రేమకు సపోర్ట్‌కి చాలా థాంక్స్. ఇకపై ట్విట్టర్, ఇన్ స్ట్రాగ్రామ్‌లో అందుబాటులో ఉంటా’ అంటూ పోస్ట్ పెట్టింది మాధవీలత. అయితే గత ఏపీ ఎన్నికల్లో బీజేపీ గుంటూరు వెస్ట్ అసెంబ్లీ అభ్యర్థినిగా పోటీ చేసి డిపాజిట్ల కోల్పోయింది మాధవీలత. ఆ తరువాత తెలంగాణ పాలిటిక్స్‌పై దృష్టిసారించిన మాధవీలత.. తరచూ ఫేస్ బుక్‌లో వివాదాస్పద వ్యాఖ్యలతో హాట్ టాపిక్ అవుతున్నారు. మాధవీలత లవ్‌లోకి వచ్చినా.. ఏదైనా పోస్ట్ పెట్టినా వాటిపై నెటిజన్లు దారుణంగా కామెంట్ చేయడంతో పాటు బూతులతో రెచ్చిపోతుంటారు. మాధవీలత హాఫ్ నాలెడ్జ్‌తో మాట్లాడుతూ.. వాట్సాప్‌లో షేర్ అయ్యే వాటిని తీసుకొచ్చి ఫేస్ బుక్‌లో పెట్టి నోటికొచ్చినట్టు తెలిసీ తెలియక మాట్లాడుతుందని.. ఆమెది వాట్సాప్ యూనివర్సిటీ అంటూ ఓ రేంజ్‌లో ట్రోల్ చేయడమే కాకుండా బండబూతులు తిడుతుంటారు. అయితే మాధవీలత వాళ్లు ఒక్కటంటే నేను వంద అంటా అన్న రీతిగా ఆమె స్థాయికి దిగజారి మరీ పచ్చి బూతులు మాట్లాడుతూ.. నీ అమ్మ, అక్క, చెల్లి.. అంటూ లకారాలతో కూడిన బూతులతో వాళ్లకి తిరిగి కౌంటర్ ఇస్తూ ఉంటుంది. మొత్తంగా పోస్ట్ చూస్తే కామెంట్లలో పెద్ద బూతు పంచాగమే ఉంటుంది. బూతుకి బూతు అన్నట్టుగా తనపై కామెంట్లు చేసేవాళ్లకి బూతులతో సమాధానం ఇచ్చిన మాధవీలత.. ఎట్టకేలకు ఈ నెగిటివిటీని తట్టుకోవడం నా వల్ల కాదంటూ ఫేస్ బుక్‌కి బై బై చెప్పేసింది. అయితే గతంలో చాలామంది సెలబ్రిటీలు ఇలా ఫేస్ బుక్ నుంచి తప్పుకుని.. ఆ తరువాత మళ్లీ వెనక్కి రావడం చూస్తూనే ఉన్నాం.. మరి మాధవీలత అలాగే తిరిగి వస్తారో లేక ఈ నెగిటివిటీకి పూర్తిగానే దూరం అవుతారో చూడాలి.
By January 28, 2021 at 02:13PM
No comments