Breaking News

పంట కాల్వలో శవమై తేలిన టీచర్.. ఆ రాత్రి ఏం జరిగింది?


ప్రకాశం జిల్లాలో టీచర్ దారుణ హత్యకు గురైంది. భర్తతో కలసి బంధువుల ఇంటికి వెళ్లిన ఆమె పంట కాల్వలో శవమై తేలింది. అప్పటి నుంచి భర్త ఆచూకీ లేకుండా పోవడంతో మర్డర్ మిస్టరీగా మారింది. ఆమెను ఎవరు హత్య చేశారు? భర్తే దారుణంగా హత్య చేసి పారిపోయాడా? అసలేం జరిగింది? అనే అనుమానాలు వ్యక్తమవుతున్నాయి. జిల్లాలోని మార్టూరు మండలం లక్కవరం ఎస్సీ కాలనీకి చెందిన పద్మ(38), భాస్కరరావు దంపతులు. కనిగిరిలోని ఓ ప్రైవేట్ స్కూల్‌లో ఉపాధ్యాయులుగా పనిచేస్తున్నారు. కరోనా లాక్‌డౌన్ కారణంగా స్వగ్రామానికి వచ్చేసిన దంపతులు ఇంటి వద్ద నుంచే ఆన్‌లైన్ తరగతులు బోధిస్తున్నారు. రెండు రోజుల కిందట భార్యాభర్తలు యద్దనపూడి మండలం పూనూరులోని బంధువుల ఇంటికి వెళ్లి తిరిగిరాలేదు. కంగారుపడిన కుటుంబ సభ్యులు, బంధువులు పోలీసులను ఆశ్రయించారు. భార్యాభర్తలు కనిపించకుండా పోయారంటూ ఫిర్యాదు చేశారు. మరుసటి రోజు మధ్యాహ్నం సమయంలో కోనంకి, లక్కవరం గ్రామాల మధ్య పంటకాల్వలో మహిళ మృతదేహం పడి ఉందని సమాచారం అందడంతో పోలీసులు స్పాట్‌కి చేరుకున్నారు. మహిళను దారుణంగా హత్య చేసి పంటకాల్వలో పడేసినట్లు పోలీసులు భావిస్తున్నారు. మృతదేహాన్ని పరిశీలించి వివరాలు సేకరించారు. కనిపించకుండా పోయిన టీచర్ పద్మ మృతదేహంగా గుర్తించారు. అయితే ఆమె భర్త భాస్కరరావు ఆచూకీ లేకుండా పోయాడు. Also Read: అనుమానంతో భాస్కరరావు తరచూ పద్మని వేధిస్తూ ఉండేవాడని.. అతనే హత్య చేసి పారిపోయి ఉంటాడని మృతురాలి కుటుంబ సభ్యులు ఆరోపిస్తున్నారు. అయితే బంధువుల ఇంటికి వెళ్లిన భార్య హత్యకు గురవడం.. భర్త కనిపించకుండా పోవడం మిస్టరీగా మారింది. మృతురాలి భర్త ఆచూకీ తెలిస్తే కానీ ఆ రాత్రి ఏం జరిగిందో తెలిసే అవకాశం లేకుండా పోయింది. మృతదేహాన్ని పోస్టుమార్టం కోసం ఆస్పత్రికి తరలించి పోలీసులు కేసు నమోదు చేసి దర్యాప్తు చేపట్టారు. Read Also:


By November 17, 2020 at 10:38AM


Read More https://telugu.samayam.com/latest-news/crime/teacher-killed-brutally-in-prakasam-district/articleshow/79256523.cms

No comments