Hyd: అత్తపై కోడలు హత్యాయత్నం! జుట్టుపట్టి నడిరోడ్డుపై దారుణంగా.. సీసీటీవీ వీడియో
![](https://blogger.googleusercontent.com/img/b/R29vZ2xl/AVvXsEhr2RcoK5Nf9NTRnPrStQ3-ZEfWwNyAVOOY6PB6ANhCKZnZochRr_RqPaaDi69eUIGsDRKvoByMaFr3cDoUjes5s8YnYK1JmNBBqqCvhrWe7EYyAph699mJoYmlAtAa9N1iUdMDhRpkjdA/s1600/telugu+news.png)
![](https://telugu.samayam.com/photo/78567347/photo-78567347.jpg)
హైదరాబాద్ పాతబస్తీ ఫిరోజ్ గాంధీ నగర్లో దారుణం చోటు చేసుకుంది. అత్తాకోడళ్ల మధ్య నెలకొన్న గొడవ మరీ శ్రుతి మించి రోడ్డుపైకి చేరింది. అత్త తస్లీమా సుల్తానాపై కోడలు ఆజ్ఞామాబేగం హత్యాయత్నానికి పాల్పడినట్లుగా తెలుస్తోంది. అత్తను కోడలు ఇంట్లో నుంచి జుట్టు పట్టుకొని ఈడ్చుకొచ్చి రోడ్డుపై పడేసి కొట్టింది. చెంపలపై కొడుతూ, కాళ్లతో తన్నింది. ఆ రోడ్డుపై వెళ్తున్నవారు ఎవరూ వారిని ఆపే ప్రయత్నం చేయకపోవడం గమనార్హం. ఈ ఘటన స్థానికంగా కలకలం రేపింది. అయితే, సౌదీలో ఉంటున్న తన భర్తతో మాట్లాడే అవకాశం ఇవ్వడం లేదంటూ అత్తపై దాడికి దిగినట్లుగా తెలుస్తోంది. ఆజ్ఞామాబేగం భర్త ఉబిద్ అలీఖాన్ కొన్నేళ్లుగా సౌదీలో ఉంటున్నాడు. అయితే, తన భర్తతో ఫోన్లో మాట్లాడేందుకు తన అత్త అవకాశం ఇవ్వడం లేదని కోడలు ఆరోపిస్తోంది. అంతేకాక, తన పోషణ గురించి కూడా సరిగ్గా పట్టించుకోవడం లేదని కోడలు అత్తపై అక్కసు పెంచుకున్నట్లు సమాచారం. ఈ కోపంతోనే కోడలు అత్తపై దాడికి దిగిందని స్థానికులు చెప్పారు. దీనికి సంబంధించి హుమాయన్ నగర్ పోలీసులు కేసు నమోదు చేశారు. ప్రస్తుతం దీనికి సంబంధించిన వీడియో విపరీతంగా వైరల్ అవుతోంది.
By October 09, 2020 at 10:37AM
No comments