ట్రంప్ టీనేజ్ కుమారుడికి కరోనా.. వెల్లడించిన మెలానియా
కరోనా వైరస్ నుంచి ప్రజల దృష్టిని ఏమార్చడానికి అమెరికా అధ్యక్షుడు సతమతమవుతున్నారు. తాజాగా, ట్రంప్ తనయుడు బారన్ సైతం కరోనా వైరస్ బారినపడ్డాడు. ఈ విషయాన్ని ప్రథమ మహిళ బుధవారం వెల్లడించారు. రెండు వారాల కిందట తనతోపాటు అధ్యక్షుడికి కరోనా వైరస్ నిర్ధారణ అయ్యింది.. సహజంగా నా మనసు తనయుడివైపు మళ్లింది అని మెలానియా రాసుకొచ్చారు. వాషింగ్టన్ సమీపంలోని ఓ ప్రయివేట్ స్కూల్లో చదువుతున్న పద్నాలుగేళ్ల బ్యారన్కు ఎటువంటి లక్షణాలు బయటపడలేదు అని తెలిపారు. ఏది ఏమైనప్పటికీ, ట్రంప్ ఆరోగ్యంపై ప్రపంచవ్యాప్తంగా చర్చ జరుగుతోంది. గత రెండు వారాలుగా అత్యంత సురక్షితమైన వైట్హౌస్ లోపల కూడా వైరస్ వ్యాప్తి చెందడంతో ప్రజలు ఆందోళన చెందుతున్నారు. కరోనా వైరస్ బారినపడ్డ ట్రంప్.. కేవలం మూడు రోజులు మాత్రమే ఆస్పత్రిలో చికిత్స తీసుకుని ఎన్నికల ప్రచారాన్ని తిరిగి ప్రారంభించారు. ఐయోవాలోని ఎన్నికల ప్రచారానికి వెళ్తూ వైట్హౌస్ వద్ద ట్రంప్ మాట్లాడుతూ.. బ్యారన్ బాగున్నాడని తెలిపారు. కాగా, ఎన్నికల ప్రచారంలో డెమొక్రాట్ అభ్యర్థిపై ట్రంప్ విమర్శలు గుప్పించారు. జో బైడెన్.. అమెరికా అధ్యక్ష ఎన్నికల చరిత్రలోనే అత్యంత చెత్త అభ్యర్థని, అలాంటి వ్యక్తితో తలపడడం నాకు సిగ్గుచేటుగా ఉందని వ్యాఖ్యానించారు. లొంగిపోయే అలవాటున్న బైడెన్ గెలిస్తే చైనా గెలిచినట్లేనని, పాలనా పగ్గాలు వామపక్ష తీవ్రవాదుల చేతుల్లోకి వెళ్లిపోతాయని ఆరోపించారు. మన ఉద్యోగాలను చైనా లాక్కుంటుందని, నేను గెలిస్తే మీరు గెలిచినట్లే, అమెరికా గెలిచినట్లేనని సెంటిమెంట్ రాజేశారు.
By October 15, 2020 at 07:49AM
No comments