త్వరలో అక్కడ 1,00000 నోట్.. ఆ మొత్తంతో కేవలం రెండు కిలోల ఆలూ కొనొచ్చు!
ఒకప్పుడు ప్రపంచంలోని ధనిక దేశంగా వెలుగు వెలిగిన వెనిజులా పరిస్థితి ప్రస్తుతం దయనీయంగా మారింది. పాలకుల అనాలోచిత నిర్ణయాలతో ఆ దేశంలోని కరెన్సీకి విలువే లేకుండా పోయింది. దీంతో ప్రజలు దుర్బర పరిస్థితులను ఎదుర్కొంటున్నారు. అధిక ద్రవ్యోల్బణంతో తీవ్ర నగదు కొరత ఏర్పడింది. అక్కడ బ్యాగు నిండా నోట్లు తీసుకెళ్లినా ఓ కప్పు టీ దొరకని దుస్థితి నెలకుంది. ఈ నేపథ్యంలో ప్రజలను సంక్షోభం నుంచి గట్టెక్కించేందుకు వెనిజులా ప్రభుత్వం మరోసారి పెద్ద నోట్ల ప్రతిపాదన తెరపైకి తీసుకొచ్చింది. మీడియాకు అందిన సమాచారం ప్రకారం.. వెనిజులా ఇటీవలే ఒక ఇటాలియన్ కంపెనీ నుంచి 71 టన్నుల సెక్యూరిటీ పేపర్‌ను కొనుగోలు చేసింది. వెనిజులా కేంద్ర బ్యాంకు 1,00,000 బొలివర్ నోటును విడుదల చేయనుంది. ఈ దేశంలో ఇదే అత్యంత విలువైన పెద్ద నోటు. అయితే, ఈ లక్ష బొలివర్ నోటు విలువ కేవలం 0.23 డాలర్లకు సమానం. ఈ మెత్తంతో ఆ దేశంలో కేవలం రెండు కిలోల ఆలూ కొనుగోలు చేయగలుగుతారు. గతేది కూడా ధరల పెరుగుదల నేపథ్యంలో 50,000 బొలివర్ నోటును ముద్రించింది. ఇప్పుడు దీనికన్నా పెద్ద నోటును ముద్రించేందుకు ప్రభుత్వం సిద్ధమవుతోంది. కానీ, పేపర్ దిగుమతిపై అటు ఇటాలియన్ సంస్థ, వెనుజులా ప్రభుత్వాలు స్పందించడానికి నిరాకరించాయి. వెనుజులా కేంద్ర బ్యాంకు సైతం దీనిపై ఎటువంటి వ్యాఖ్యలు చేయలేదు. బలహీనపడుతున్న కరెన్సీ, ద్రవ్యోల్బణం ప్రత్యక్ష ఫలితమే పెద్ద నోట్లు.. గత ఏడాది 2,400 శాతం క్షీణించింది. అంటే ఓ బండి కిరాణా సామాన్లకు పెద్ద గోనె సంచితో డబ్బులు చెల్లించాల్సిన పరిస్థితి. ప్రస్తుతం 100,000 కరెన్సీని వెనుజులా సార్వభౌమ బొలివర్‌గా పిలుస్తారు. ఈ ఏడాది ప్రారంభంలో రష్యాలో మనీ ప్రింటర్‌ను వెనుజులా ఆశ్రయించింది. ప్రపంచంలోని అతిపెద్ద బ్యాంక్ నోట్ల తయారీదారులలో ఒకరైన డి లా ర్యూ నుంచి రుణం పొందిన తరువాత 300 మిలియన్ల కొత్త బిల్లులను కొనుగోలు చేసింది. దశాబ్దానికిపైగా అధికార దుర్వినియోగం, విఫలమైన ఆర్థిక విధానాలు సహా కొత్త బిల్లును ప్రవేశపెట్టడానికి అదనపు ఆటంకాలు ఎదురవుతున్నాయి. కరోనా మహమ్మారి కారణంగా తగ్గిన సిబ్బందితో పాటు సిరా కొరత, విద్యుత్తు అంతరాయాల వల్ల కలిగే సాంకేతిక సవాళ్లు ప్రింటింగ్ పరికరాలను అమలు చేసే ప్రయత్నాలను ఆలస్యం చేశాయని అధికారులు పేర్కొన్నారు.
By October 08, 2020 at 08:36AM
No comments