కృష్ణ అండ్ హిజ్ లీల: మోతాదుకు మించిన రొమాన్స్.. సైబర్ క్రైమ్‌కు ఫిర్యాదు
ఈ మధ్యకాలంలో సినిమాలపై ఫిర్యాదులు నమోదు కావడం కామన్ అయిపోయింది. తమ మనోభావాలు దెబ్బతినేలా సినిమా తీశారంటూ రిలీజ్‌కి ముందు లేదా మూవీ రిలీజ్ తర్వాత ప్రేక్షకులు పోలీస్ స్టేషన్‌లో ఫిర్యాదు చేస్తుండటం చూస్తూనే ఉన్నాం. ఇప్పటికే పలు సినిమాల విషయంలో ఇదే జరిగింది. తాజాగా యూత్‌ఫుల్ రొమాంటిక్ డ్రామా '' సినిమాపై ఇలానే ఓ ఫిర్యాదు నమోదైంది. గుంటూరు టాకీస్, గరుడవేగ సినిమాలతో నటనా ప్రతిభను చాటిన సిద్దు జొన్నలగడ్డ హీరోగా 'కృష్ణ అండ్ హిజ్ లీల' సినిమా రూపొందింది. రానా ద‌గ్గుబాటి సమర్పణలో సురేష్ ప్రొడక్షన్స్, వయాకామ్ 18 స్టూడియోస్ సంయుక్తంగా నిర్మించిన ఈ చిత్రంలో టాలెంటెడ్ హీరోయిన్, జెర్సీ ఫేమ్ శ్రద్దా శ్రీనాథ్ నటించింది. మరో ఇద్దరు హీరోయిన్స్ సీరత్ కపూర్, షాలిని వాడ్నికట్టి ముఖ్యపాత్రలు పోషించారు. గురువారం ఓటీటీ వేదిక నెట్‌ఫ్లిక్స్‌లో విడుదలైంది. అయితే తాజాగా సినిమాపై వివాదం చుట్టుకోవడం చర్చనీయాంశంగా మారింది. Also Read: 'కృష్ణ అండ్ హిజ్ లీల' సినిమాలో హీరోహీరోయిన్ల పాత్రలకు హిందూ దేవతల పేర్లు పెట్టడమే కాకుండా మోతాదుకు మించిన రొమాన్స్ సన్నివేశాలను పెట్టారని రాకేష్ అనే వ్య‌క్తి అభ్యంత‌రం వ్య‌క్తం చేశాడు. ఈ మేరకు సైబర్ క్రైమ్‌కు ఫిర్యాదు చేస్తూ ఈ శృంగార‌భ‌రిత చిత్రాన్ని వెంటనే నిలిపివేయాలని ఆయన డిమాండ్ చేశాడు.
By June 28, 2020 at 08:18AM
No comments