కోవిడ్ విపత్తు నిర్వహణకు భారత్ పాటించిన పంచ సూత్రాలు.. ఫలితానిచ్చాయా?

ప్రపంచంలోని మిగతా దేశాలతో పోలిస్తే భారత్‌లో తీవ్రత కొంచెం తక్కువనే చెప్పాలి. దీనికి కేంద్ర, రాష్ట్ర ప్రభుత్వాలు చేపట్టిన పటిష్ఠ చర్యలే కారణం. అమెరికా, రష్యా, బ్రిటన్ లాంటి అగ్రరాజ్యాలే మహమ్మారిని నియంత్రించడంలో దారుణంగా విఫలమయ్యాయి. అయితే, 130 కోట్ల మంది జనాభా కలిగిన భారత్ మాత్రం మహమ్మారిని ఎదుర్కొడానికి పంచసూత్రాలను పాటించింది. భౌతికదూరం, క్రియాశీలకమైన అడుగులు వేయడం, ప్రజా నిర్వహణ, సహకారం, భాగస్వామ్యం అనే ఈ పంచసూత్రాలను విపత్తు నిర్వహణకు అనుసరించింది. సామాజిక ప్రయోగం ద్వారా ఉద్దేశ్యాన్ని తెలపడం. WHO సిఫారసు ప్రకారం “సామాజిక దూరం” అనేది కోవిడ్-19పై పోరాటానికి కీలక ఆయుధం గా మారింది. సుమారు 1.3 బిలియన్ల జనాభా ఉన్న భారత దేశంలో మామూలు పరిస్థితుల్లో ప్రజలు సామాజిక దూరాన్ని పాటించడం అనేది కష్టమేగానీ, ఇది పూర్తి లాక్ డౌన్ ద్వారా మాత్రమే సాధ్యమైంది. ఇది సరైన ప్రయోగమే, కానీ అత్యంత తక్కువ సమయం లో దీనిపై పూర్తి అవగాహన, సరైన సమాచారం లేకుండా ఇన్ని కోట్ల మంది ప్రజలపై అమలు చేయడం అనేది అంత సులువైన పని కాదు. దీనికోసం ప్రజలను ముందుగా సంసిద్దులను చేయడానికి ప్రధాని మోదీ ‘జనతా కర్ఫ్యూ’కు పిలుపునిచ్చారు. దేశం మొత్తాన్ని స్వచ్ఛందంగా 12 గంటలు ఇంట్లో ఉండమని అభ్యర్థించారు. ఈ జనతా కర్ఫ్యూ అనుభవాలు ఎదుర్కొన బోయే 21 రోజుల లాక్ డౌన్ ఇబ్బందులను అర్థం చేసుకోవడానికి సహాకరించడమమే కాకుండా దానికి తగిన విధంగా ముందే సిద్ధపడడానికి ప్రజలకు ఒక అనుభవాన్ని ఇచ్చింది. వారాంతంలో అమలు కారణంగా ఇది చాలా తక్కువ ఇబ్బందులకు గురి చేసింది. ఈ జనతా కర్ఫ్యు ‘ఆరోగ్య కార్యకర్తలకు చప్పట్లు’అనే సామాజిక ప్రయోగంతో కలిపి పిలుపు ఇవ్వడం ద్వారా మనకు సహాయపడుతున్న వైద్య సిబ్బందికి చప్పట్లు కొట్టి కృతజ్ఞతను తెలియజేయడం అనే సామాజిక ప్రయోగం విజయవంతం అయ్యింది. ఇది ఒక విధంగా జనతా కర్ఫ్యూకు సహ బలంగా తోడ్పడింది. పరిమిత పరిపాలన యంత్రాంగం ద్వారా చాలా తక్కువ వనరులతో ఇది విజయవంతంగా అమలు జరిగింది. క్రియాశీలకమైన అడుగులు వేయడం ముందుగా అంతర్జాతీయ ప్రయాణ నిషేధాన్ని విధించిన దేశాలలో భారత్ కూడా ఒకటి. ప్రయాణికుల విమానాలు ద్వారా, రక్షణ శాఖ విమానాలు, నౌకా మార్గాల ద్వారా భారతదేశంలోకి ప్రవేశించిన సుమారు 1.5 మిలియన్ల మంది అంతర్జాతీయ ప్రయాణీకులకు స్క్రీనింగ్ పరీక్షలు నిర్వహించడం, కరోనా లక్షణాలు ఉన్నవారిని నిర్బంధించడం, నిఘా కోసం వారి పూర్తి వివరాలను సంబంధిత రాష్ట్రాల అధికారులకు సమాచారం అందజేశారు. ఈ కార్యక్రమం అంతా 21 రోజుల లాక్ డౌన్ సమయంలో జరిగింది. ఆర్థిక పరిణామాల దృష్ట్యా మొదట్లో దీనిని అనేక రంగాల నిపుణులు తీవ్రంగా విమర్శించినా తరువాత దీనికి ప్రపంచవ్యాప్తంగా ఆమోదం లభించింది. దీంతో మిగిలిన దేశాలు కూడా దీనిని అనుసరించడం ప్రారంభించాయి. ఇది ఒక గొప్ప క్రియాశీలక విధానంగా ప్రపంచ ఆరోగ్య సంస్థ, ఐక్యరాజ్యసమితి నిపుణులు ప్రశంసించారు. అంతే కాకుండా ప్రత్యక్ష ప్రయోజన బదిలీ, వలస కార్మికులకు మద్దతు, ఇంటి వద్ద నుంచే పని చేసే అవకాశాలు, భారీ స్థాయిలో స్వచ్ఛంద సేవకుల అందుబాటు వంటి చర్యలతో ప్రభుత్వం సమగ్ర విధానాలను అనుసరించింది. ఒకవేళ భారత దేశం ఇలాంటి చర్యలు తీసుకుని ఉండకపోతే ఆరోగ్య మంత్రిత్వ శాఖ ‘వృద్ధి-ఆధారిత విశ్లేషణ యొక్క గణాంక రేటు’ అంచనా ప్రకారం, ఏప్రిల్ 15 నాటికి 41% సంచిత వృద్ధి రేటును నమోదు చేస్తూ సుమారు 8.2 లక్షల మంది వైరస్ బారినపడేవారు. ప్రజా నిర్వహణ కోవిడ్-19 ప్రభావం ప్రజల ఆరోగ్యానికి మాత్రమే పరిమితం కాలేదు, ఇది తీవ్ర ఒత్తిడిని కలిగించింది. దీని కారణంగా కొందరు ఆత్మహత్యలకు పాల్పడ్డారు. ఇంకొందరు గుండెపోటుతో మరణించారు. ఐక్యతకు గుర్తుగా ప్రధాని మోదీ ఏప్రిల్ 9న రాత్రి 9.09 గంటలకు విద్యుత్ లైట్లు ఆపివేసి దీపాలను వెలిగించాలని ‘9 పీమ్ ఫర్ 9మినిట్స్’ చాలెంజ్ ప్రకటించారు. విద్యుత్ మంత్రిత్వ శాఖ అంచనా ప్రకారం విద్యుత్తు డిమాండ్ 12GWవరకూ తగ్గుతుందని ఊహించారు. కానీ ఈ కార్యక్రమ సమయంలో వారు డిమాండ్ 32GW వరకూ తగ్గినట్లు గ్రహించారు. ఈ సవాల్‌కు ప్రజల నుంచి వచ్చిన స్పందనకు ఇది నిదర్శనం. వైద్య నిపుణుల అభిప్రాయం ప్రకారం.. దీపం వెలిగించడం, కారణం కోసం నిలబడటం వంటివి మనలోని నిరాశావాదాన్ని నాశనం చేయడంలో సహాయపడతాయి. ఈ కారణంతో ప్రభుత్వం చేపట్టిన కార్యక్రమానికి ప్రజల నుంచి విశేష స్పందన వచ్చి, ఉత్తమ ఫలితాలను రాబట్టింది. భాగస్వామ్యం వాటాదారులతో క్రమం తప్పకుండా పరస్పర సమావేశాలు నిర్వహించడం ద్వారా వారిలో నమ్మకం కలిగించడం, దేశ ఆర్దిక పరిస్థితికి భరోసా కల్పించడం , రాష్ట్ర ప్రభుత్వ నిర్వాహకులను విశ్వాసంలోకి తీసుకోవడం, సార్క్ దేశాలతో చర్చలు జరపడం, వ్యాధి నిర్మూలన పరిజ్ఞాన సమాచారం పరస్పర మార్పిడికి జి 20 దేశాలతో సంప్రదింపులు, వైద్య పరికరాలు, ఇతర అవసరాలను రాష్ట్ర ప్రభుత్వాలు శక్తివంతం చేయడంతో పాటు ఈ విధానాల ద్వారా భారతదేశం స్వయం సమృద్ధి సాధించడమే కాకుండా తోటి దేశాలతో వనరులను మార్పిడి చేసుకునే అవకాశం ఏర్పడింది. భారతదేశం చురుకైన విధానాలు కేవలం దేశానికి మాత్రమే మేలు చేయకుండా కరోనా తీవ్ర ఎక్కువ ఉన్న దేశాలకు సైతం సహాయపడింది. వ్యాధి నిర్మూలనకు అత్యవసరమైన ఔషధం హైడ్రాక్సీ క్లోరోక్వీన్, వైద్య సిబ్బందికి పీపీఈ కిట్లు, ఇతర దేశాలకు సరఫరా చేసి సహాయం చేసింది. రైల్వేలు, సైన్యం, మహిళా సంక్షేమ మంత్రిత్వ శాఖ వంటి విభాగాలు వైద్య సదుపాయాలను పెంపొందించే కార్యక్రమంలో పాల్గొనడంతో భారతదేశం తక్కువ సమయంలోనే వైద్య సేవల రంగంలో ప్రపంచం దేశాలకు సైతం సహాయపడే స్థితిలో చేరుకుంది. సహకారం తో సిద్దపడడం కోవిడ్-19 రహిత సమాజానికి విధించిన లాక్‌డౌన్, పాటించిన సామాజిక దూరం సహాయ పడిందా అనే దానికి స్పష్టమైన ఆధారాలు లేనప్పటికీ 21 రోజుల లాక్ డౌన్ క్రియాశీల ప్రకటనతో వల్ల ఏర్పడే ఇబ్బందులు ప్రభుత్వానికి స్పష్టంగా సహాయకారి అవుతాయి. ఈ లాక్‌డౌన్ కాలంలో కోవిడ-19 స్పెషాలిటీ ఆస్పత్రులుతో పాటు ఐసోలేషన్ వార్డులు ఏర్పాటు చేయడం వెంటిలేటర్లు సమకూర్చుకోవడం, పీపీఈ కిట్ల తయారీ లాంటి అత్యవసర కార్యక్రమాలకు ప్రభుత్వం కృషి చేసింది. తయారీ పరంగా భారత్ అన్నింటికంటే చాలా ముందుంది. భారత్ లాంటి పెద్ద దేశంలో వైరస్ వ్యాప్తిని నిరోధించే ప్రభుత్వ వ్యూహంలో తొలి ప్రాధాన్యతగా లాక్‌డౌన్, రెడ్ జోన్‌లను ప్రకటించి కట్టుదిట్టమైన చర్యలు చేపట్టింది. ఈ చర్యలకు సహాయపడటానికి భారత ప్రభుత్వం ‘ఆరోగ్య సేతు’మొబైల్ యాప్‌ను వినియోగంలోకి తీసుకు వచ్చింది. ఈ యాప్ ద్వారా కోవిడ్-19 సోకిన రోగులను సమర్థవంతంగా ట్రాక్ చేయడం, పర్యవేక్షించడం ద్వారా వ్యాప్తిని అరికట్టడం దీని లక్ష్యం. అంతే కాకుండా Mygov.in అనే పోర్టల్ ద్వారా సమాచారం, సాధారణ అప్‌డేట్స్, నోటిఫికేషన్‌లు, ఇతర హెచ్చరికలు ప్రజలకు తెలిపేలా ఏర్పాటు చేసింది. ఆరోగ్య సేతు యాప్‌ను వినూత్న పరిష్కారంగా డబ్ల్యూహెచ్ఓ ప్రశంసించింది.

By May 23, 2020 at 09:47AM

Read More https://telugu.samayam.com/latest-news/india-news/india-follow-five-principles-for-handling-covid-19-pandemic/articleshow/75910850.cms