చేవెళ్ల ‘దిశ’ ఘటన.. ఆమె ప్రాణాలు తీసింది ఒక్కడే.. చిన్న క్లూతో భలేగా పట్టేశారు
చేవెళ్ల తంగిడిపల్లి బ్రిడ్జి వద్ద కొద్దిరోజుల క్రితం మహిళ దారుణ హత్య కేసు కొలిక్కి వచ్చినట్లే కనిపిస్తోంది. పోలీసులకు లభించిన ప్రాథమిక ఆధారాల్లో ఆమె సిక్కిం నుంచి వచ్చి ముంబైలో కొద్ది రోజుల ఉన్నట్లు తెలిసింది. ఆ తర్వాత అక్కడి నుంచి హైదరాబాద్ వచ్చి సైబరాబాద్ పరిధిలోని ఓ ఇంట్లో పేయింగ్ గెస్టుగా ఉన్నట్లు తెలిసింది. ఆమెకు పరిచయమున్న వ్యక్తి ఇటీవల హైదరాబాద్ వచ్చి ఆమెతో తిరిగినట్లు పోలీసులు గుర్తించారు. ఈ నేపథ్యంలోనే మహిళతో గొడవ పడి దారుణంగా చంపేసినట్లు అనుమానిస్తున్నారు. మహిళపై అత్యాచారం జరిగినట్లు తొలుత అందరూ అనుమానించారు. అయితే ఆమెపై అత్యాచారం జరగలేదని పోలీసులు క్లారిటీ ఇచ్చారు. Also Read: దర్యాప్తులో భాగంగా పోలీసులు తంగిడిపల్లి బ్రిడ్జి వద్ద రెండు, ఎన్కేపల్లి వద్ద రెండు సీసీ కెమెరాలను పరిశీలించారు. తంగిడిపల్లి గ్రామానికి చెందిన ఓ వ్యక్తి ఆ రోజు రాత్రి దావతుకు వెళ్లి వస్తుంటే ఓ కారు ఆగిందని పోలీసులకు చెప్పాడు. దీని ఆధారంగా పోలీసులు వ్యక్తి చూసిన సమయానికి అంతకంటే ముందు, దాని తర్వాత సమయాన్ని క్రోడీకరించుకుని కారు మూమెంట్ను విశ్లేషించారు. ఇలా 20 కిలో మీటర్ల చదరపు దూరాన్ని సంఘటన వెలుగు చూసిన పరిసర ప్రాంతాల్లో జల్లెడ పట్టారు. అప్పుడు ఓ కెమెరాలో అనుమానించిన కారుపై డ్రైవ్ ఈజీ అని రాసి ఉంది. దీని ఆధారంగా అనుమానితుడు డ్రైవ్ ఈజీ ద్వారా కారును సెల్ఫ్ డ్రైవ్ తీసుకుని ఈ హత్యకు పాల్పడినట్లు నిర్ధారించుకున్నారు. డ్రైవ్ ఈజీ సంస్థ దగ్గర కారును అద్దెకు తీసుకున్నప్పుడు ఇచ్చిన ధ్రువీకరణ పత్రాలు, ఫోన్ నంబర్లను పరిశీలించి నిందితుడిని గుర్తించారు. మహిళను హత్య చేసి మృతదేహాన్ని తరలించిన కారును పోలీసులు స్వాధీనం చేసుకున్నట్లు తెలిసింది. Also Read: మహిళ సిక్కింకు చెందినదిగా తెలిసినప్పటికీ ఆమె గురించి పూర్తి వివరాలు ఇంకా తెలియరాలేదు. ఆ రాష్ట్రంలో మహిళల మిస్సింగ్కు సంబంధించి నమోదైన కేసుల వివరాలను పోలీసులు సేకరిస్తున్నారు. మహిళను ఎక్కడ? ఏ సమయానికి చంపాడు? మృతదేహాన్ని తరలించేందుకు ఇంకెవరైనా సాయం చేశారా? అన్న కోణంలో పోలీసులు దర్యాప్తు చేస్తున్నారు. లాక్డౌన్ పూర్తయిన తర్వాత ఈ కేసుకు సంబంధించి పూర్తి వివరాలు పోలీసులు మీడియాకు తెలిపే అవకాశం ఉంది. Also Read:
By March 29, 2020 at 10:27AM
No comments