సుగాలి ప్రీతి కేసు సీబీఐకి..! పవన్ పోరాటానికి మంచు మనోజ్ సపోర్ట్!
జస్టిస్ ఫర్ డిమాండ్ సోషల్ మీడియాలో ప్రముఖంగా వినిపిస్తోంది. కర్నూలులో పవన్ కళ్యాణ్ ర్యాలీ చేపట్టనుండటంతో.. సుగాలి ప్రీతి కేసు ఏపీలో హాట్ టాపిక్‌గా మారింది. అత్యాచారం, హత్యకు గురైన ప్రీతి కుటుంబానికి న్యాయం చేయాలని జనసైనికులు డిమాండ్ చేస్తున్నారు. ఈ కేసు విచారణను సీబీఐకి అప్పగించామని కర్నూలు పోలీసులు తెలిపారు. ఇప్పటికే ఈ కేసు వివరాలను కేంద్ర హోంశాఖకు పంపామని తెలిపారు. పవన్ కళ్యాణ్ ర్యాలీకి ఒక్క రోజు ముందు ఎస్పీ ఈ ప్రకటన చేయడం గమనార్హం. కాగా ఈ కేసు విషయమై సినీ నటుడు స్పందించారు. సుగాలి ప్రీతి హత్యకు కారణమైన వారిని సీబీఐ పట్టుకుంటుందనే విశ్వాసం తనకు ఉందన్నారు. ఆమె కుటుంబానికి బలం చేకూరాలన్నారు. జస్టిస్ ఫర్ సుగాలి ప్రీతి అనే హ్యాష్ ట్యాగ్‌ను తన ట్వీట్‌కు మనోజ్ జత చేశారు. కర్నూలుకు చెందిన 14 ఏళ్ల ప్రీతి బాలిక కట్టమంచి రామలింగారెడ్డి స్కూల్లో చదివేది. ఇది టీడీపీ నేతకు చెందిన పాఠశాల. 2017 ఆగస్టు 19న ఆమె ఫ్యాన్‌కు ఉరివేసుకుని కనిపించింది. ఆమె ఆత్మహత్య చేసుకుందని స్కూల్ యాజమాన్యం చెప్పింది. కానీ స్కూల్ అధినేత కొడుకులిద్దరూ అత్యాచారం చేసి చంపారని ఆమె తల్లిదండ్రులు ఆరోపించారు. బాలికపై అత్యాచారం జరిగిందని పోస్టుమార్టం రిపోర్టులోనూ వచ్చింది. కానీ ఇంత వరకూ దోషులను శిక్షించలేదు.
By February 12, 2020 at 11:55AM
No comments