పవన్ సినిమాలో నటించడానికి నేను రెడీ: ఆలీ

పవర్ స్టార్ పవన్ కళ్యాణ్, కమెడియన్ ఆలీ మంచి స్నేహితులని ప్రతి ఒక్కరికీ తెలిసిందే. ఇంచుమించుగా పవన్ కళ్యాణ్ సినిమాలన్నింటిలోనూ ఆలీ నటించారు. కానీ, కిందటేడాది ఏపీ అసెంబ్లీ ఎన్నికల సమయంలో వీరిద్దరి మధ్య విభేదాలు, మనస్పర్థలు వచ్చాయి. అయితే, పవన్ కళ్యాణ్ వాటన్నింటినీ పక్కనబెట్టి తన స్నేహితుడికి ఫోన్ చేశారని తాజాగా ప్రచారం జరిగింది. తన సినిమాలో నటించాలని ఆలీని పవన్ కోరినట్టు ప్రచారం చేశారు. ఈ రూమర్స్‌పై తాజాగా ఆలీ స్పందించారు. రాజకీయాలు, సినిమాలు వేరని.. తన స్నేహితుడి సినిమాలో నటించడానికి తనకు ఎలాంటి అభ్యంతరం లేదని ఓ ఇంగ్లిష్ డైలీతో మాట్లాడుతూ ఆలీ చెప్పారు. ‘‘పవన్ కళ్యాణ్ సినిమాలో నటించాలని ఇప్పటి వరకు నన్ను ఎవరూ సంప్రదించలేదు. ఒకవేళ ఎవరైనా సంప్రదిస్తే గనుక పవన్ కళ్యాణ్ సినిమాలో నటించడానికి నేను సిద్ధంగా ఉన్నాను. నా సినిమా కెరీర్‌ను రాజకీయాలతో ముడిపెట్టను’’ అని ఆలీ స్పష్టం చేశారు. మరి తన స్నేహితుడికి పవన్ అవకాశం ఇస్తారో లేదో చూడాలి. Also Read: కాగా, ఏపీ అసెంబ్లీ ఎన్నికల సమయంలో వైఎస్సార్ కాంగ్రెస్ పార్టీలో చేరి వై.ఎస్.జగన్‌మోహన్ రెడ్డి తరఫున ఆలీ ప్రచారం నిర్వహించారు. అయితే, సినిమా ఇండస్ట్రీకి చెందిన కొంత మందికి పదవులు ఇచ్చిన జగన్.. ఆలీకి మాత్రం ఇప్పటి వరకు ఎలాంటి పదవి ఇవ్వలేదు. కానీ, ప్రస్తుతం వినిపిస్తోన్న గుసగుసలను పరిగణనలోకి తీసుకుంటే మార్చిలో జరగనున్న ఏపీ మున్సిపల్ ఎన్నికల తరవాత ఆలీని ఓ కీలక పదవి కోసం నామినేట్ చేయనున్నారని తెలుస్తోంది.

By February 08, 2020 at 09:47AM

Read More https://telugu.samayam.com/telugu-movies/cinema-news/i-am-ready-to-act-in-pawan-kalyans-film-says-comedian-ali/articleshow/74021625.cms