క్షణాల్లో పేకమేడలా కూలిన భారీ భవంతి.. ఒళ్లు గగుర్పొడిచే వీడియో

కేరళలో ఆసక్తికర ఘటన చోటుచేసుకుంది. నిబంధనలను ఉల్లంఘించి భారీ భవంతులు కట్టారని అధికారులు క్షణాల్లో కూల్చేశారు. సుప్రీంకోర్టు ఆదేశాల మేరకు ఈ ఆకాశ హార్య్మాలను అధికారులు కూలగొట్టారు. ఆదివారం మరో రెండు భవనాలను కూడా కూల్చేయనున్నారు. శనివారం ఉదయం కూల్చివేత సమయంలో భవంతుల చుట్టూ చాలా దూరం వరకూ 144 సెక్షన్‌ను అమలు చేశారు. కూల్చివేతకు అధికారులు దాదాపు 800 కిలోలకు పైబడిన పేలుడు పదార్థాలు వాడడం విశేషం. నిబంధనలు ఉల్లంఘించి ఆకాశ హార్య్మాలు నిర్మించినందున 138 రోజుల్లో అపార్ట్‌మెంట్‌లను కూల్చివేయాలని సుప్రీంకోర్టు 2019 సెప్టెంబర్‌లో ఆదేశించింది. త్రిసభ్య కమిటీ నివేదికను పరిగణనలోకి తీసుకున్న సుప్రీం ఈ ఉత్తర్వులను జారీ చేసింది. అపార్ట్‌మెంట్ యజమానులకు ఒక్కొక్కరికి రూ.25 లక్షల మధ్యంతర పరిహారం చెల్లించాలని కోర్టు ఆదేశించింది. చాలా రోజులుగా కాంప్లెక్స్‌లలో ఉన్న వారు ఖాళీ చేయడానికి నిరాకరించారు. తర్వాత వెనక్కి తగ్గారు. కొచ్చిలోని మారడులో సరస్సు ఒడ్డున నిర్మించిన అక్రమ కట్టడాలలో ఈ భారీ అపార్ట్ మెంట్‌తో పాటు హోలీ ఫెయిత్, కయలోరం, ఆల్ఫా వెంచర్స్, హాలిడే హెరిటేజ్, జైన్ హౌసింగ్ తదితర అపార్ట్‌మెంట్‌లు ఉన్నాయి. శనివారం కూల్చి వేసిన భవంతిలో మొత్తం 343 ప్లాట్లు ఉండగా అందులో 240 ఫ్లాట్లలో ప్రజలు నివసించారు. వారందరినీ ఖాళీ చేయించి, పక్కనే అనుమతి ఉన్న భవనాలకు ఎలాంటి నష్టం రాకుండా కూల్చివేశారు.

By January 11, 2020 at 12:46PM

Read More https://telugu.samayam.com/latest-news/india-news/alfa-serene-complex-apartment-towers-in-maradu-demolishes-by-kerala-official/articleshow/73200517.cms