తెలంగాణలో మిస్టరీగా మారిన మెడికో మృతి.. హత్యా? ఆత్మహత్యా?

జయశంకర్ భూపాలపల్లి జిల్లా రేగొండ మండలంలో మెడికల్ స్టూడెంట్ అనుమానాస్పద మృతి కలకలం రేపుతోంది. కనపర్తి గ్రామానికి చెందిన మెడికో తుమ్మలపల్లి వంశీ (24) ఖమ్మంలోని ఓ ప్రైవేటు మెడికల్ కాలేజీలో ఎంబీబీఎస్‌ మూడో సంవత్సరం చదువుతున్నాడు. సంక్రాంతి సెలవులు ఇవ్వంతో ఈనెల 14న ఇంటికి వచ్చాడు. సెలవులు ముగియడంతో కాలేజీకి వెళ్తున్నానని చెప్పి శుక్రవారం ఉదయం 11 గంటలకు ఇంటి నుంచి బయలుదేరాడు. రాత్రి 8 గంటలకు తండ్రికి ఫోన్‌ చేసి ఖమ్మం చేరుకున్నట్లు చెప్పాడు. Also Read: శనివారం ఉదయం 11 గంటలకు తన వ్యవసాయ బావి వద్దకు వెళ్లిన తండ్రికి అక్కడ వంశీ బ్యాగ్ కనిపించింది. దీంతో ఆందోళన పడిన ఆయన బావిలో చూడగా కాళ్లూ చేతులు కట్టేసిన స్థితిలో మృతదేహం కనిపించింది. దీంతో ఆయన వెంటనే పోలీసులకు సమాచారం అందించాడు. పోలీసులు మృతదేహాన్ని వెలికితీసి పోస్టుమార్టానికి తరలించారు. అయితే మృతదేహం కాళ్లూ చేతులు కట్టేసి ఉండడంతో హత్యగా అనుమానిస్తున్నారు. అతడిని చంపేసి బావిలో పడేశారా? లేక బతికి ఉండగానే కట్టేసి తోసేశారా? అనే అనుమానాలు వ్యక్తమవుతున్నాయి. Also Read: మృతదేహంపై ఎలాంటి గాయాలు లేకపోవడంతో వంశీ ఆత్మహత్య చేసుకున్నాడా? అనే కోణంలోనూ పోలీసులు విచారణ చేస్తున్నారు. అనుమానాస్పద మృతిగా కేసు నమోదు చేసుకుని దర్యాప్తు చేపట్టారు. అయితే గతేడాది కూడా వంశీ అదే బావిలోకి దూకి ఆత్మహత్యాయత్నానికి పాల్పడినట్లు గ్రామస్థులు చెబుతున్నారు. దీంతో అతడు మానసిక స్థితి ఎలా ఉండేదన్న దానిపై పోలీసులు విచారిస్తున్నారు. Also Read:

By January 19, 2020 at 08:05AM

Read More https://telugu.samayam.com/latest-news/crime/mbbs-student-suspicious-death-in-jayashankar-bhupalpally-district-telangana/articleshow/73367399.cms