నిర్భయ దోషుల చివరి వినతికి సుప్రీం నో.. క్యూరేటివ్ పిటిషన్ కొట్టివేత

దాఖలు చేసిన క్యూరేటివ్ పిటిషన్‌ను కొట్టి వేసింది. న్యాయమూర్తులు ఎన్వీ రమణ, అరుణ్ మిశ్రా, ఆర్ఎఫ్ నారిమన్, ఆర్ భానుమతి, అశోక్ భూషణ్‌లతో కూడిన ఐదుగురు సభ్యుల ధర్మాసం.. వినయ్ శర్మ, ముకేశ్ దాఖలు చేసిన క్యూరేటివ్ పిటిషన్లను మంగళవారం కొట్టివేసింది. 2012 నాటి నిర్భయ గ్యాంగ్ రేప్, హత్య కేసు నిందితుల్లో ఒకడైన వినయ్ కుమార్ శర్మ జనవరి 9న తొలి దాఖలు చేయగా.. కొద్ది గంటల్లోనే ముకేశ్ కూడా పిటిషన్ దాఖలు చేశారు. నిర్భయ హత్యాచార దోషులను జనవరి 22న ఉదయం ఏడు గంటలకు ఉరి తీయాలని పాటియాలా కోర్టు తీర్పును వెలువరించిన సంగతి తెలిసిందే. చివరి అవకాశంగా దోషులు సుప్రీంలో క్యూరేటివ్ పిటిషన్ దాఖలు చేశారు. ఈ పిటీషన్లను న్యాయస్థానం కొట్టివేయడంతో.. దోషుల ముందున్న దారులన్నీ మూసుకుపోయినట్టే. జనవరి 22న వారిని ఉరి తీయడం ఖాయమే. నేరం చేసినప్పుడు తన వయసు 19 ఏళ్లేనని.. జైల్లో సత్ప్రవర్తనతో మెలిగానని.. వయసు మీదబడ్డ తల్లిదండ్రులు సహా కుటుంబ భారాన్ని తాను మోయాల్సి ఉందని.. తన సామాజిక, ఆర్థిక స్థితిగతులను పరిగణనలోకి తీసుకోవాలని వినయ్ పిటిషన్లో పేర్కొన్నాడు. ఉరి శిక్షను తప్పించుకోవడానికి క్యూరేటివ్ పిటిషన్ అనేది చిట్టచివరి లీగల్ ఆప్షన్. ఇక చివరి ఆశగా దోషులు రాష్ట్రపతి లేదా ఢిల్లీ లెఫ్టినెంట్ గవర్నర్‌కు క్షమాభిక్ష పిటిషన్ దాఖలు చేసుకునే అవకాశం ఉంటుంది.

By January 14, 2020 at 02:30PM

Read More https://telugu.samayam.com/latest-news/india-news/supreme-court-dismisses-2-nirbhaya-case-convicts-curative-plea/articleshow/73246091.cms