సార్.. నా భార్య కొడుతోంది.. కాపాడండి మహాప్రభో!
ఇప్పటి వరకు భార్త కొడుతున్నాడని, కట్నం కోసం వేధిస్తున్నాడని పోలీస్ స్టేషన్ మెట్లెక్కే మహిళల్నే చూశాం. ఫర్ ఎ చేంజ్.. తాజాగా, ఓ భర్త తన భార్య కొట్టే దెబ్బలు భరించలేక.. భోరున ఏడుస్తూ పోలీస్ స్టేషన్కు వచ్చాడు. నా భార్య దెబ్బల నుంచి మీరే రక్షించాలి మహాప్రభో! అంటూ వేడుకున్నాడు. దీంతో ఏం జరుగుతోందో అర్థం కాక, పోలీసులు ముక్కున వేలేసుకుని కాసేపు చూస్తూ ఉండిపోయారు. Also Read: హైదరాబాద్లోని పోలీస్ స్టేషన్ పరిధిలో ఈ ఘటన చోటుచేసుకుంది. బషీరాబాద్ మండలం జీవన్గీకి చెందిన షాదుల్లా సోమవారం.. ‘‘సార్.. నా భార్య కొట్టింది. ఆ దెబ్బలను నేను తట్టుకోలేను. ఇంటికెళ్తే మళ్లీ కొడుతుంది సార్.. మీరే కాపాడాలి’’ అంటూ పోలీస్ స్టేషన్కు పరుగున వచ్చాడు. నా భార్య నుంచి రక్షించండి అంటూ బషీరాబాద్ ఎస్సై గిరిని చేతులు జోడించి వేడుకున్నారు. గొడవ ఎందుకొచ్చింది.. నీ భార్య ఎందుకు కొట్టిందని ఎస్సై అడగగా.. ‘‘ఏమీ లేదు సార్.. సంసారం విషయంలో గొడవ.. అంతే’’ అంటూ వలవలా ఏడ్చేశాడు. దీంతో భార్యను ఎస్సై పోలీస్ స్టేషన్కు పిలిపించాడు. భార్యాభర్తలకు కౌన్సెలింగ్ ఇచ్చి ఇద్దరూ బాగుండాలని ఎస్సై సముదాయించారు. దీంతో భర్త జంకుతూ.. భార్య వెనకాలే ఇంటికి పయనమయ్యాడు. ఇప్పటి దాకా భర్త కొడుతున్నాడని స్టేషన్కు వచ్చే మహిళలను చూశాం గానీ.. భార్య కొట్టిందని భర్త రావడం ఇదే మొదటిసారని అక్కడున్న పోలీసులు, ఇతరులు చెవులు కొరుక్కున్నారు. Also Read:
By January 14, 2020 at 02:59PM
No comments