కూతురిని వేధిస్తున్నాడని అల్లుడిని చంపేసిన మామ

రామచంద్రపురం మండలం తోటపేట గ్రామంలో డిసెంబరు 31వ తేదీ రాత్రి జరిగిన పంపన సత్యవెంకటేశ్వరరావు హత్య కేసును పోలీసులు చేధించారు. మద్యానికి బానిసైన సత్యవెంకటేశ్వరరావు తన కూతురిని తీవ్రంగా వేధిస్తున్నాడన్న కోపంతో అతడి మామే చంపేసినట్లు పోలీసులు నిర్ధారించారు. నిందితుడిని సోమవారం మీడియా ఎదుట ప్రవేశపెట్టిన పోలీసులు కేసు వివరాలు వెల్లడించారు. Also Read: తోటపేటకు చెందిన అక్కిరెడ్డి శ్రీను రెండో కుమార్తె చైతన్యను సత్యవెంకటేశ్వరరావు ప్రేమవివాహం చేసుకున్నాడు. కొద్దికాలం సాఫీగానే సాగిన వీరి సంసారంలో కలహాలు మొదలయ్యాయి. దీంతో ద్రాక్షారామ పోలీస్‌స్టేషన్లో ఒకరిపై ఒకరు కేసులు పెట్టుకొని వేర్వేరుగా బతుకుతున్నారు. ఈ నేపథ్యంలో రోజూ మద్యం తాగి వచ్చి తన భార్యను పంపాలంటూ గొడవ చేసేవాడు. సత్యవెంకటేశ్వరరావు వేధింపులతో విసిగిపోయిన అతడి మామ శ్రీను, బావమరిది మణికంఠ చంపేయాలని నిర్ణయించుకున్నారు. ఈ క్రమంలోనే నూతన సంవత్సర వేడుకలకు అల్లుడిని ఇంటికి ఆహ్వానించారు. Also Read: సత్యవెంకటేశ్వరరావు ఇంటికొచ్చాక కాసేపు సరదాగా మాట్లాడి మద్యం తాగించారు. మత్తులో ఉన్న అతడి తలపై శ్రీను, మణికంత ఇనుపరాడ్లతో బలంగా కొట్టి చంపేశారు. మృతదేహాన్ని అక్కడే వదిలేసి ఆటోలో కాకినాడ పారిపోయారు. దీనిపై కేసు నమోదు చేసుకున్న పోలీసులు నిందితులపై నిఘా పెట్టి ఆదివారం అరెస్ట్ చేశారు. సోమవారం నిందితులను మీడియా ఎదుట ప్రవేశపెట్టి అనంతరం రిమాండ్‌కు తరలించారు. Also Read:

By January 07, 2020 at 09:09AM

Read More https://telugu.samayam.com/latest-news/crime/east-godavari-man-murdered-by-father-in-law-over-harassment-on-wife/articleshow/73132035.cms