పెళ్లి చేసుకుంటానని మోసం చేసిన ప్రియురాలు.. యువకుడి ఆత్మహత్య

వారిద్దరూ మూడేళ్లుగా ప్రేమించుకున్నారు. వివాహం చేసుకోవాలని నిర్ణయించుకున్నారు. ఈలోగా ప్రియురాలు మరో యువకుడికి దగ్గరై తనను నిర్లక్ష్యం చేయడాన్ని అతడు తట్టుకోలేకపోయాడు. మనస్తాపంతో శనివారం రైలు కింద పడి ఆత్మహత్య చేసుకున్నాడు. అంతకుముందు రైలు పట్టాలపై కూర్చుని ప్రియురాలు మోసం చేయడంతోనే బలవన్మరణానికి పాల్పడుతున్నట్లు సెల్‌ఫోన్లో రికార్డ్ చేశాడు. ఈ విషాదకర ఘటన ఒడిశాలో జరిగింది. Also Read: కటక్‌ నగరంలో తాలొదండొ ఏటికాలువ ప్రాంతంలో శనివారం రైలు పట్టాలపై ఓ యువకుడి మృతదేహాన్ని మధుపట్నా పీఎస్ పోలీసులు గుర్తించారు. అతడిని కటక్‌ రవుసొపట్నాకు చెందిన మనోజ్‌ స్వయిగా గుర్తించారు. రైలు పట్టాల వద్ద సూసైడ్‌ నోట్‌ను స్వాధీనం చేసుకున్నారు. ప్రేమలో విఫలం కావడం వల్లే అతడు ఆత్మహత్య చేసుకున్నట్లు నిర్ధారించారు. Also Read: మరోవైపు ఈ ఘటనపై మనోజ్ కుటుంబసభ్యులు అనుమానం వ్యక్తం చేస్తున్నారు. యువతి కుటుంబసభ్యులే అతడిని చంపి రైలు పట్టాలపై పడేశారని ఆరోపిస్తున్నారు. వారి ఫిర్యాదుతో పోలీసులు అనుమానాస్పద మృతిగా కేసు నమోదు చేసుకుని దర్యాప్తు చేపట్టారు. మృతదేహాన్ని స్వాధీనం చేసుకుని పోస్టుమార్టం నిమిత్తం ప్రభుత్వాసుపత్రికి తరలించారు. Also Read:

By January 12, 2020 at 11:45AM

Read More https://telugu.samayam.com/latest-news/crime/odisha-man-commits-suicide-in-railway-track-over-love-failure/articleshow/73211236.cms