వీడియో: కదిలించిన యువతి కథనం.. కన్నీళ్లు పెట్టిన హీరో సూర్య
తెలుగు సినీ ప్రేక్షకులకు పరిచయం అవసరంలేని పేరు సూర్య. తమిళనాడుకు చెందిన ఈ నటుడికి తెలుగులోనూ చాలామంది అభిమానులు ఉన్నారు. సూర్య సున్నిత మనస్కుడని, దయాగుణం కలవారని అందరికీ తెలిసిందే. ఓవైపు సినిమాలు చేస్తూ సామాజిక సేవా కార్యక్రమాలు కూడా చేస్తున్నారు సూర్య. అగరం ఫౌండేషన్ స్థాపించి ఎంతో మందికి అండగా నిలుస్తు్న్నారు. పేద విద్యార్థులకు మంచి చదువు చెప్పిస్తున్నారు. పదేళ్ల క్రితం మొదలైన ఈ ఫౌండేషన్ పేద విద్యార్థులకు చదువు చెప్పిస్తూ ఎంతో సహాయపడుతుంది. అయితే, తాజాగా అగరం ఫౌండేషన్ పుస్తకావిష్కరణ కార్యక్రమం చెన్నైలో జరిగింది. ఈ కార్యక్రమానికి మంత్రి సెంగొట్టియాన్, సూర్య అతిథులుగా హాజరయ్యారు. అగరం ఫౌండేషన్ నుంచి చదువుకొని మంచి స్థాయిలో ఉన్న గాయత్రీ అనే విద్యార్థిని ఈ కార్యక్రమంలో మాట్లాడారు. ఆమె ప్రసంగానికి ఎమోషనల్ అయిన సూర్య కన్నీళ్లు పెట్టుకున్నారు. ఆమె దగ్గరికి వెళ్లి హత్తుకున్నారు. Also Read: తనది తంజావూరులోని ఓ చిన్న పల్లెటూరని, తన తల్లి కూలి పనికి వెళ్తూ తనను పదో తరగతి వరకు చదివించిందని గాయత్రీ వెల్లడించారు. అదే సమయంలో తన తండ్రికి తండ్రికి క్యాన్సర్ వచ్చిందని, చాలా ఇబ్బందులు పడ్డామని చెప్పారు. కూలి పనికి వెళ్తే తప్ప పొట్టనిండని పరిస్థితి అని.. దీంతో తాను కూడా అమ్మకి సాయంగా కూలి పనికి వెళ్దామని నిర్ణయించుకున్నానని తెలిపారు. కానీ తన తల్లి మాత్రం ‘‘నా లాగా నువ్వు కష్టపడడం కాదు. బాగా చదువుకొని ఉన్నతమైన స్థానంలో ఉండాలి. బిచ్చమెత్తి అయినా నిన్ను చదివిస్తాను’’ అని తన తల్లి చెప్పిందని గాయత్రీ గుర్తుచేసుకున్నారు. తన తల్లి మాటలు తనలో స్ఫూర్తిని నింపాయని, ఏదేమైనా చదువు ఆపకూడదని అగరం ఫౌండేషన్‌లో చేరానన్నారు. తనను చాలా మంది ఎగతాళి చేశారని, కానీ ధైర్యం కోల్పోకుండా అగరం ఫౌండేషన్ సాయంతో కాలేజీ విద్యను పూర్తిచేశానన్నారు. ఆ తరవాత తనకు క్యాంపస్ ప్లేస్‌మెంట్‌లో కేరళలో ఉద్యోగం వచ్చిందని, తనను ఈ స్థానంలో నిలబెట్టిన అగరం ఫౌండేషన్‌కి, సూర్య అన్నకు ఎప్పటికీ రుణపడి ఉంటానని గాయత్రి కంటతడి పెట్టుకున్నారు. అప్పటికే తీవ్ర భావోద్వేగానికి గురైన సూర్య.. కన్నీళ్లు పెట్టుకుంటూ గాయత్రి వద్దకు వెళ్లారు. ఆమెను ఓదార్చారు. ప్రస్తుతం ఈ వీడియో సోషల్ మీడియాలో బాగా వైరల్ అవుతోంది.
By January 07, 2020 at 02:13PM
No comments