రోడ్డుప్రమాదంలో భార్యాభర్తల దుర్మరణం.. అనాథలైన ఐదుగురు పిల్లలు

మరో 10 నిమిషాల్లో ఇంటికి చేరుకోవాల్సిన ఆ దంపతులను అతివేగం బలి తీసుకుంది. వారు ప్రయాణిస్తున్న బైక్ అదుపుతప్పి డివైడర్‌ను ఢీకొనడంతో అక్కడికక్కడే ప్రాణాలు కోల్పోయారు. ఈ ఘటనలో వారి ఐదుగురు పిల్లలు అనాథలుగా మారారు. ఎల్‌బీనగర్‌ పరిధి ఎన్‌టీఆర్‌నగర్‌కు చెందిన అస్లామ్‌ఖాన్‌(45) వృత్తిరీత్యా పెయింటర్‌. అతని భార్య నషీదాబేగం (35) ఇంట్లోనే కుట్టు పని చేస్తూ భర్తకు చేదోడువాదోడుగా ఉంటోంది. వీరికి కుమార్తె సుహానాబేగం(15)తో పాటు కుమారులు షోయబ్‌ఖాన్‌ (13), మహమ్మద్‌ఖాన్‌ (11), నాజర్‌ఖాన్‌ (9), అహ్మద్‌ఖాన్‌ (6) ఉన్నారు. Also Read: శుక్రవారం రాత్రి 12 గంటల సమయంలో అస్లామ్‌ఖాన్‌ భార్యతో కలిసి సైదాబాద్‌లోని సింగరేణికాలనీలో ఉండే బంధువుల ఇంటికి బైక్‌పై వెళ్లాడు. తిరిగి అదే రాత్రి ఒంటి గంట సమయంలో ఇంటికి వస్తుండగా సరూర్‌నగర్ మున్సిపల్ ఆఫీస్ రోడ్డులో వారు ప్రయాణిస్తున్న బైక్ అదుపుతప్పి డివైడర్‌ను ఢీకొట్టింది. దీంతో ఇద్దరూ తీవ్రగాయాలపాలై ప్రాణాలు కోల్పోయారు. సరూర్‌నగర్‌ ఎస్‌ఐ మన్మథకుమార్‌ సంఘటనా స్థలాన్ని పరిశీలించి మృతదేహాలను ఉస్మానియా హాస్పిటల్ మార్చురీకి తరలించారు. Also Read: తల్లిదండ్రులు ఎంతకీ ఇంటికి రాకపోవడంతో ఆందోళన పడిన పిల్లలు ప్రమాద సమాచారం తెలుసుకుని తల్లడిల్లిపోయారు. తల్లిదండ్రులను విగతజీవులుగా చూసి నాయనమ్మ ఒడిలోకి చేరి పిల్లలంతా గుండెలవిసేలా రోదించడం స్థానికులను కలచివేసింది. అస్లాంఖాన్‌కు డ్రైవింగ్‌ లైసెన్స్‌ లేదని, ద్విచక్రవాహనానికి సంబంధించిన ఇన్సూరెన్సు కూడా లేనట్లు పోలీసుల దర్యాప్తులో తేలింది. Also Read:

By December 22, 2019 at 09:33AM

Read More https://telugu.samayam.com/latest-news/crime/hyderabad-couple-died-in-road-accident-at-saroor-nagar/articleshow/72921718.cms