మద్యం మత్తులో ఘాతుకం.. రోకలిబండతో తండ్రిని కొట్టి చంపిన కొడుకు

మద్యం మత్తులో ఓ నిండు ప్రాణం తీసిన ఘటన నగర శివారు రంగారెడ్డి జిల్లా హయత్‌నగర్‌లో వెలుగుచూసింది. పోలీస్‌స్టేషన్ పరిధిలోని బృందావన్ కాలనీకి చెందిన రామ్ నరసయ్య, విష్ణు తండ్రీకొడుకులు. ఇద్దరూ కలిసి మంగళవారం రాత్రి ఇంట్లోనే మద్యం తాగారు. ఆ సమయంలో ఓ విషయంపై ఇద్దరి మధ్య గొడవ జరిగింది. Also Read: వివాదం కాస్తా చిలికిచికిలి గాలివానలా మారి తండ్రీకొడుకులు ఘర్షణ పడే స్థాయికి వెళ్లింది. దీంతో ఆవేశానికి గురైన విష్ణు రోకలి బండతో తండ్రి తలపై గట్టిగా కొట్టాడు. తీవ్ర రక్తస్రావంతో రామ్‌నరసయ్య అక్కడికక్కడే కుప్పకూలిపోయాడు. బాధితుడి కేకలు విన్న స్థానికులు వెంటనే పోలీసులకు ఫోన్ చేశారు. పోలీసులు ఘటనా స్థలికి వచ్చేసరికే రామ్ నరసయ్య చనిపోయి ఉన్నాడు. Also Read: దీంతో విష్ణును అదుపులోకి తీసుకున్న పోలీసులు రామ్‌ నరసయ్య మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. ఈ ఘటనపై హయత్‌నగర్ పోలీసులు కేసు నమోదు చేసుకుని దర్యాప్తు చేపట్టారు. ఈ ఘటన హయత్‌నగర్‌లో కలకలం రేపింది. Also Read:

By December 18, 2019 at 09:02AM

Read More https://telugu.samayam.com/latest-news/crime/telangana-young-man-kills-father-in-hayathnagar/articleshow/72862711.cms