అన్నం పెడతానని యాచకురాలిపై గ్యాంగ్ రేప్.. హైదరాబాద్‌లో మరో దారుణం

వరుస అత్యాచార ఘటనలతో నగరం ఉలిక్కిపడుతోంది. ఇటీవల అనేక మంది బాలికలు, మహిళలపై అఘాయిత్యాలు జరిగిన ఘటనలు మరువకముందే మల్కాజ్‌గిరిలో 60ఏళ్ల యాచకురాలిపై ఇద్దరు కామాంధులు అత్యాచారానికి పాల్పడ్డారు. లాలాపేటకు చెందిన చిన్నప్ప అంథోని జార్జ్‌(50), వికారాబాద్‌ జిల్లా స్టేషన్‌ ధరూర్‌కి చెందిన నేనావత్‌ విజయ్‌ కుమార్‌ భార్యలకు దూరంగా ఉంటున్నారు. పెయింటింగ్‌ పనులు చేసుకుంటూ మీర్జాలగూడలో కలిసి నివసిస్తున్నారు. Also Read: మంగళవారం రాత్రి 7 గంటల సమయంలో 60ఏళ్ల యాచకురాలు వీరి ఇంటి ముందుకు తినడానికి ఏమైనా ఇవ్వాలని అడిగింది. దీంతో అన్నం పెడతానని జార్జ్‌ ఆమెను లోపలకు పిలిచాడు. ఇద్దరూ వృద్ధురాలిని కబుర్లలోకి దించి తలుపులు మూసేశారు. బలవంతంగా మద్యం తాగించి ఆమెపై అత్యాచారానికి పాల్పడ్డారు. వృద్ధురాలు కేకలు వేయడంతో స్థానికులు వెంటనే 100 నంబరుకు ఫోన్‌ చేశారు. Also Read: దీంతో పోలీసులు వెంటనే అక్కడికి చేరుకున్నారు. ఈ విషయాన్ని గుర్తించిన నిందితులు అక్కడి నుంచి పరారయ్యారు. వీరిపై నిఘా పెట్టిన పోలీసులు శుక్రవారం మీర్జాలగూడలో తిరుగుతుండగా అరెస్ట్ చేశారు. బాధితురాలిని వైద్య పరీక్షల నిమిత్తం ఆస్పత్రికి తరలించారు. ఈ ఘటన స్థానికంగా తీవ్ర కలకలం రేపింది. వరుసగా జరుగుతున్న అఘాయిత్యాలతో మహిళలు ఆందోళన చెందుతున్నారు. Also Read:

By December 22, 2019 at 08:02AM

Read More https://telugu.samayam.com/latest-news/crime/60-yr-old-lady-beggar-raped-by-two-men-in-hyderabad/articleshow/72921203.cms