పెళ్లయిన 3 నెలలకే నవ వధువు దారుణ హత్య

పెళ్లయిన మూడు నెలలకే కట్టుకున్న భార్యను కడతేర్చాడు ఓ భర్త. తమిళనాడులోని వేళచ్చేరిలో ఈ ఘటన చోటు చేసుకుంది. పెరుంబాక్కం పసుమ్‌పొన్‌నగర్‌కు చెందిన అయ్యనార్‌ (31)కు అదే ప్రాంతానికి చెందిన అంజలి (21)తో 2019 ఆగస్టు 2న వివాహం జరిగింది. అయ్యనార్‌ మేడవాక్కంలో కారు డ్రైవర్‌గా పనిచేస్తున్నాడు. శుక్రవారం ఉదయం పక్కింట్లో నివాసముంటున్న బంధువులు ఇంటి తలుపులు కొట్టగా.. అంజలి ఎంతకూ తెరవకపోవడంతో అయ్యనార్‌కు ఫోన్‌ చేశారు. Also Read: అతడు కూడా ఫోన్‌ కూడా తీయకపోవడంతో అనుమానించిన వారు తలుపులు బద్దలుకొట్టి చూడగా అంజలి రక్తపుమడుగులో పడి ఉంది. వెంటనే వారు పళ్లికరనై పోలీసులకు సమాచారం అందించారు. పోలీసులు మృతదేహాన్ని పోస్టుమార్టం నిమిత్తం క్రోంపేట ప్రభుత్వాసుపత్రికి తరలించారు. వివాహం జరిగినప్పటి నుంచి దంపతుల మధ్య తరచూ గొడవలు జరుగుతుండేవని తెలుస్తోంది. ఈ నేపథ్యంలో బంధువుల ఇంట్లో ఒకరు మరణించగా.. అక్కడికి రావాలని అయ్యనార్‌, భార్యను కోరగా ఆమె నిరాకరించింది. ఈ విషయంపై దంపతుల మధ్య గొడవ జరిగింది. దీంతో ఆగ్రహానికి గురైన అయ్యనార్‌ భార్య గొంతు నులమడంతో పాటు కత్తితో దాడి చేసి పరారయ్యాడు. దీనిపై కేసు నమోదుచేసిన పోలీసులు బంధువుల ఇంట్లో తలదాచుకున్న అయ్యనార్‌‌ను అరెస్ట్‌ చేశారు. Also Read:

By December 21, 2019 at 12:59PM

Read More https://telugu.samayam.com/latest-news/crime/tamilnadu-newly-married-woman-killed-by-husband/articleshow/72913359.cms