నదిలో పడిన బస్సు.. 24 మంది ప్రయాణికులు దుర్మరణం

ఇండోనేషియాలో ఘోర ప్రమాదం జరిగింది. ప్రయాణికులతో వెళ్తున్న ఓ బస్సు అదుపుతప్పి రోడ్డు పక్కనే ఉన్న లోయలో పడిపోయింది. ఈ ఘటనలో 24 మంది ప్రాణాలు కోల్పోగా.. 13 మంది తీవ్రంగా గాయపడ్డారు. మంగళవారం అర్ధరాత్రి సౌత్ సుమత్రా ప్రాంతంలో ఈ దుర్ఘటన చోటుచేసుకుంది. Also Read: బెంగ్‌కులు ప్రావిన్స్‌ నుంచి పగర్‌ ఆలమ్‌ వెళ్తున్న ఓ బస్సు ఘాట్‌ రోడ్డులో ప్రయాణిస్తుండగా అదుపుతప్పి రెయిలింగ్‌ను ఢీకొట్టింది. దీంతో అదుపుతప్పి రోడ్డు పక్కనే ఉన్న నదిలోకి జారి బోల్తాపడింది. ఈ ప్రమాదంపై సమాచారం అందుకున్న పోలీసులు, సహాయ సిబ్బంది వెంటనే అక్కడికి చేరుకుని సహాయకచర్యలు చేపట్టారు. ఈ ఘటనలో తీవ్రంగా గాయపడిన 13 మంది ప్రయాణికులను ఆస్పత్రికి తరలించి చికిత్స అందిస్తున్నారు. చనిపోయిన 24 మంది మృతదేహాలను ఆస్పత్రికి తరలించారు. Also Read: బెంగ్‌కులు ప్రావిన్స్‌‌ నుంచి బయలుదేరిన ఈ బస్సులో తొలుత 27 మంది ప్రయాణికులే ఉన్నారని, మార్గమధ్యలో మరికొంత మందిని ఎక్కించుకున్నట్లు కొందరు చెబుతున్నారు. ప్రమాద సయంలో సుమారు 50 మంది వరకు బస్సులో ఉన్నట్లు తెలుస్తోంది. దీంతో ఇప్పటివరకు 37 మంది సమాచారం మాత్రమే తెలియడంతో మిగిలినవారు నది ప్రవాహంలో కొట్టుకుని పోవచ్చని పోలీసులు అనుమానిస్తున్నారు. ఇండోనేషియాలో ఇటీవల బస్సు ప్రమాదాలు తరుచూ చోటుచేసుకుంటున్నాయి. సెప్టెంబరు నెలలోపశ్చిమ జావాలోని సుకాబూమి ప్రాంతంలో బస్సు లోయలో పడి 21 మంది మరణించారు. Also Read:

By December 24, 2019 at 12:35PM

Read More https://telugu.samayam.com/latest-news/crime/bus-crash-in-indonesia-24-passengers-dead-after-vehicle-falls-into-ravine/articleshow/72950838.cms