సీఎంను విమర్శించాడని.. పబ్లిక్‌గా గుండుకొట్టారు..!

మహారాష్ట్ర ముఖ్యమంత్రి ఉద్ధవ్ థాక్రేపై సోషల్ మీడియాలో అభ్యంతరకరమైన వ్యాఖ్యలు చేశాడనే ఆగ్రహంతో కార్యకర్తలు అందరూ చూస్తుండగానే ఓ వ్యక్తిపై దాడి చేసి, చేశారు. నగరంలోని వడాల ప్రాంతంలో ఈ ఘటన వెలుగులోకి వచ్చింది. పౌరసత్వ సవరణ చట్టం (సీఏఏ)కు వ్యతిరేకంగా జామియా మిలియా ఇస్లామియా యూనివర్సిటీ విద్యార్థులు నిరసన ప్రదర్శన నిర్వహిస్తుండగా పోలీసులు వారిపై విరుచుకుపడి లాఠీచార్జి చేయడాన్ని మహారాష్ట్ర సీఎం ఉద్ధవ్ థాక్రే ఖండించారు. డిసెంబర్ 19వ తేదీన ఈ సంఘటనను జలియన్ వాలాబాగ్‌ మారణకాండతో ఆయన పోల్చారు. Also Read: సీఎం వ్యాఖ్యలకు వ్యతిరేకంగా ముంబైలోని వడాలా ప్రాంతానికి చెందిన హీరామాయి తివారీ ఫేస్‌బుక్‌లో పోస్టు పెట్టారు. ఆయనపై పలు అభ్యంతరకర వ్యాఖ్యలు పోస్టు చేశారు. దీంతో ఆగ్రహించిన శివసేన కార్యకర్తలు హీరామాయిపై బహిరంగంగా దాడి చేసి గుండుకొట్టారు. దీనిపై 30 మంది తనపై దాడి చేసి, బలవంతంగా శిరోముండనం చేసినట్లు హీరామాయి తివారీ సైతం పోలీసులకు ఫిర్యాదు చేశారు. అయితే శివసేన నాయకులతో పాటు మరికొందరు పోలీసులు.. దీనిపై రాజీ పడాలని కోరుతున్నారని తివారీ తెలిపారు. అయితే తాను రాజీపడే ప్రసక్తే లేదని, నిందితులపై కఠిన చర్యలు తీసుకోవాలని డిమాండ్ చేశారు. Also Read:

By December 24, 2019 at 12:59PM

Read More https://telugu.samayam.com/latest-news/crime/mumbai-man-head-tonsured-by-shiv-sena-activists-for-social-media-comments-on-cm-uddhav/articleshow/72951189.cms