మైనర్ బాలికను రేప్ చేసి.. వ్యభిచార గృహానికి అమ్మేసి.. మోదీ ఇలాఖాలో ఘోరం..

సాక్షాత్తూ దేశ ప్రధాని నరేంద్ర మోదీ ప్రాతినిథ్యం వహిస్తున్న వరణాసి లోక్‌సభ నియోజకవర్గ కేంద్రంలో మరో ఘోరం వెలుగులోకి వచ్చింది. పోలీసులు న్యాయం చేయట్లేదంటూ అత్యాచార బాధితురాలి కుటుంబం ఆత్మహత్యాయత్నం చేసింది. వారణాసికి చెందిన ఓ మైనర్ బాలికకు ముంబైలో ఉద్యోగం ఇప్పిస్తామని ఆశపెట్టి అక్కడకు తీసుకెళ్లి సామూహిక అత్యాచారానికి పాల్పడ్డారు. తర్వాత బాలికను వ్యభిచార గృహంలో విక్రయించారు. దీనిపై పోలీసులకు ఫిర్యాదు చేసినా నిందితులపై చర్యలు తీసుకోవట్లేదంటూ బాధిత మైనర్ బాలిక తన తల్లిదండ్రులతో కలిసి పోలీసు సూపరింటెండెంట్ కార్యాలయం వద్ద విషం తాగి ఆత్మహత్యాయత్నం చేసింది. Also Read: దీంతో అప్రమత్తమైన పోలీసులు ముగ్గురినీ వెంటనే ఆస్పత్రికి తరలించారు. అయితే అత్యాచార బాధితురాలితో పాటు వారి తల్లిదండ్రుల ఆరోగ్య పరిస్థితి విషమంగా ఉందని వైద్యులు వెల్లడించారు. ఈ ఉదంతం రాష్ట్రంలో సంచలనం రేపింది. వారణాసికి చెందిన విశాల్ మౌర్యా, ఉత్కర్ష్ తివారి, జమీర్ ఆలంలు మైనర్ బాలికకు ఉద్యోగం పేరుతో మాయమాటలు చెప్పి ముంబై తీసుకెళ్లారు. అక్కడ ఆమెపై సామూహిక అత్యాచారానికి పాల్పడి వ్యభిచార గృహానికి విక్రయించారు. అయితే బాధిత బాలిక వ్యభిచార గృహం నుంచి ఎలాగోలా తప్పించుకొని అలహాబాద్‌కు రావడంతో అక్కడి రైల్వే పోలీసులు ఆమెను తల్లిదండ్రుల వద్దకు చేర్చారు. Also Read: దీంతో నిందితులపై పోలీసులకు ఫిర్యాదు చేయగా, వారు కేసు పెట్టకుండా తాత్సారం చేశారు. దీంతో బాధితురాలు, బాలిక తల్లిదండ్రులు ఆత్మహత్యాయత్నం చేశారు. అయితే బాధితురాలి వద్ద ఓ లేఖను పోలీసులు కనుగొన్నారు. అందులో తనపై అత్యాచారానికి పాల్పడ్డ నిందితులను పోలీసులు అరెస్టు చేయడం లేదని, వారిపై నమోదు చేసిన వివిధ సెక్షన్లను సైతం తొలగించారని బాధితురాలు తన లేఖలో పేర్కొన్నారు. పోలీసులు కేసు నమోదు చేసి, నిందితులపై చర్యలు తీసుకోవడంలో నిర్లక్ష్యం వహిస్తున్నారని, జిల్లా ఎస్పీకి ఫిర్యాదు చేసేందుకు కార్యాలయానికి వస్తే వారి నుంచి కనీస స్పందన లేదని పేర్కొంది. దీంతో ఆత్మహత్యకు పాల్పడుతున్నట్లు రాసి ఉంది. Also Read:

By December 24, 2019 at 12:08PM

Read More https://telugu.samayam.com/latest-news/crime/varanasi-minor-rape-victim-her-parents-attempt-suicide-at-police-office/articleshow/72950385.cms