నయవంచన.. ఫ్రీ డ్రగ్స్ కోసం స్నేహితురాలినే రేప్ చేయించాడు

డ్రగ్స్‌కు బానిసై ఓ యువకుడు దాని కోసం స్నేహితురాలినే మరొక వ్యక్తితో రేప్ చేయించాడు. ఆరోగ్యం బాగోలేదు, చూసుకోవడానికి ఎవరూ లేరని స్నేహితురాలిని నమ్మించి ఇంటికి రప్పించిన ఆ దుర్మార్గుడు డ్రగ్స్ సరఫరా చేసే ఓ వ్యక్తికి ఆమె శరీరాన్ని తాకట్టు పెట్టేశాడు. మత్తుమందు కలిపిన జ్యూస్‌ను యువతితో తాగించి మత్తులోకి జారుకున్నాక గదిలోకి తీసుకెళ్లి అతడితో రేప్ చేయించాడు. దానికి ప్రతిఫలంగా ఫ్రీగా డ్రగ్స్ తీసుకున్నాడు. ఈ దారుణ ఘటన పంజాబ్‌లోని గురుదాస్‌పూర్‌లో జరిగింది. Also Read: వివరాల్లోకి వెళ్తే.. గురుదాస్‌పూర్‌కు చెందిన ఓ యువతి డిగ్రీ సెకండియర్ చదువుతోంది. ఆమెకు డిగ్రీ ఫస్టియర్ చదువుతున్న దీపక్ అనే యువకుడు కొద్దికాలం క్రితం పరిచయమయ్యాడు. ఇద్దరూ కలిసి కాలేజీకి వెళ్తూ చనువుగా ఉండేవారు. ఇటీవల దీపక్ డ్రగ్స్‌ మాఫియాకు చెందిన కొందరితో పరిచయం పెంచుకుని దానికి బానిసయ్యాడు. ఇంట్లో డబ్బులు దొంగిలించి డ్రగ్స్ కొనుగోలు చేశాడు. దీపక్‌కు తరుచూ డ్రగ్స్ సరఫరా చేసే భూపేందర్ అనే వ్యక్తి కన్ను అతడి స్నేహితురాలిపై పడింది. Also Read: దీంతో దీపక్ వద్ద ఓ ప్రతిపాదన తెచ్చాడు. ‘నీ స్నేహితురాలితో నా కోరిక తీరిస్తే నీకు డ్రగ్స్ ఫ్రీగా ఇస్తాను’ అని చెప్పాడు. డ్రగ్స్ మత్తులో ఉన్న దీపక్ అతడి ప్రతిపాదనకు సరేనని ఒప్పుకున్నాడు. ఓ రోజు తన స్నేహితురాలికి ఫోన్ చేసి తనకు ఆరోగ్యం బాగోలేదని, చూసుకోవడానికి ఎవరూ లేరని చెప్పాడు. దీంతో ఆ యువతి వెంటనే అతడి ఇంటికి చేరుకుని సపర్యలు చేసింది. కాసేపటి తర్వాత దీపక్ జ్యూస్ చేసి ఆమెకిచ్చాడు. అది తాగిన యువతి మత్తులోకి జారుకుంది. వెంటనే భూపేందర్ ఆమెను ఎత్తుకుని బెడ్‌రూమ్‌లోకి తీసుకెళ్లి అత్యాచారానికి పాల్పడ్డాడు. కాసేపటికి మత్తు నుంచి తేరుకున్న బాధితురాలు తనపై జరిగిన అఘాయిత్యం తెలుసుకుని కుమిలిపోయింది. స్నేహితుడివని నమ్మి వస్తే నా జీవితాన్ని నాశనం చేశావంటూ అతడిని తిట్టిపోయింది. వెంటనే పోలీస్‌స్టేషన్‌కు వెళ్లి దీపక్, భూపేందర్‌పై కేసు పెట్టింది. దీంతో పోలీసులు ఆ ఇద్దరిని అరెస్ట్ చేశారు. Also Read:

By September 22, 2019 at 09:05AM

Read More https://telugu.samayam.com/latest-news/crime/young-woman-raped-by-drugs-dealer-with-help-of-her-friend-in-gurudaspur-punjab/articleshow/71240831.cms