విజయవాడలో బ్లేడ్ బ్యాచ్ హల్‌చల్.. టీడీపీ నాయకుడిపై దాడి
నగరంలో రెచ్చిపోయింది. కృష్ణలంకలో 22వ డివిజన్‌ టీడీపీ అధ్యక్షుడు మోటేపల్లి చిన్నా, అతడి సోదరుడు సీతారామయ్యపై గుర్తుతెలియని వ్యక్తులు బ్లేడ్‌తో దాడికి పాల్పడి పరారయ్యారు. కృష్ణలంక నెహ్రూనగర్‌ డొంకరోడ్డులో కుటుంబంతో ఉంటున్న సీతారామయ్య ఓ డెయిరీ డిస్ట్రిబ్యూటర్‌ వద్ద పనిచేస్తుంటారు. రాత్రిపూట అక్కడి నుంచి పాల ప్యాకెట్లను ఆటోలో తీసుకెళ్లి ఆయా పాయింట్లకు చేరవేస్తుంటారు. మంగళవారం అర్ధరాత్రి ఇంటి నుంచి బయలుదేరిన సీతారామయ్య నెహ్రూనగర్‌ సర్వీసురోడ్డు పక్కన ఆటో నిలిపి పాల ప్యాకెట్లు నింపుతుండగా.. ఆయన బైక్‌ను ఇద్దరు యువకుడు పడేశారు. దీంతో సీతరామయ్య వారిని దూషించగా ఆ వ్యక్తులు ఫోన్ చేయగా ఆరుగురు యువకులు బైక్‌లపై వచ్చారు. సీతారామయ్య కూడా తన అన్నయ్య చిన్నాకు ఫోన్ చేసి రప్పించాడు. రెండు వర్గాలు వాదులాడుకుంటుండగా ఓ యువకుడు ఇనుప రాడ్‌తో చిన్నా తలపై బలంగా కొట్టాడు. మిగిలిన యువకులు సీతారామయ్యపై బ్లేడ్‌తో దాడి చేసి పరారయ్యారు. ఈ ఘటనలో తీవ్రంగా గాయపడిన చిన్నా, సీతారామయ్య ఫోన్లో ఫ్రెండ్స్‌కు సమాచారం ఇవ్వడంతో వారు వెంటనే అక్కడికి చేరుకుని ఆస్పత్రికి తరలించారు. దీనిపై పోలీసులకు సమాచారం తెలియడంతో వారు సంఘటనా స్థలాన్ని పరిశీలించారు. కేసు నమోదు చేసుకుని దర్యాప్తు చేపట్టారు. బుధవారం ఉదయం సౌత్‌జోన్‌ ఏసీపీ కె.పూర్ణచంద్రరావు, కృష్ణలంక సీఐ పి.సత్యానందం ఘటనా స్థలాన్ని పరిశీలించారు. నిందితులను పట్టుకునేందుకు ప్రత్యేక బృందాలు ఏర్పాటు చేసినట్లు చెప్పారు. బ్లేడ్‌తో దాడికి పాల్పడటంతో నిందితులు బ్లేడ్ బ్యాచ్ సభ్యులుగా పోలీసులు అనుమానిస్తున్నారు.
By August 08, 2019 at 09:38AM
No comments