భార్య గర్భవతి.. మొబైల్ కోసం భర్త కిరాతకం
కట్టుకున్న భర్త కసాయిలా మారాడు. భార్య గర్భవతి అని చూడకుండా చిత్రహింసలు పెట్టాడు. ఆమెనూ రోజు కొడుతూ నరకం చూపించాడు. తనకు మొబైల్‌తో పాటూ అదనపు కట్నం తేవాలంటూ భార్యపై దాడి చేశాడు. కత్తితోనూ పొడవడంతో ఆమె ప్రాణాలు విడిచింది. మృతదేహాన్ని ఇంట్లో పడేసి తాళం వేసి పారిపోయాడు. ఇరుగుపొరుగు వారు పోలీసులకు సమాచారం ఇవ్వడంతో దారుణం బయటపడింది. పోలీసులు చెప్పిన వివరాల ప్రకారం.. అల్లూరి సీతారామరాజునగర్‌కు మారుతికి స్థానికంగా ఉండే చాందినితో వివాహమయ్యింది. అత్తింటివారు పెళ్లి సమయంలో తమ స్థోమతకు తగ్గట్లు కట్నకానుకలు ఇచ్చారు. వీరికి నాలుగేళ్ల కొడుకు కూడా ఉన్నాడు. మారుతి రోజూ స్థానికంగా ఉండే షాపుల్లోసాంబ్రాణి పొగవేసి కుటుంబాన్ని పోషించేవాడు. వీరి కాపురం కొద్దిరోజులు సాఫీగా సాగుతుండగా.. కొద్దిరోజులుగా అత్తింటివారు అదనపు కట్నం కోసం చాందినిని వేధిస్తున్నారు. అయినా ఆమె అన్ని భరిస్తూ వచ్చింది. అత్తమామలు, ఆడబిడ్డకు తోడు భర్త కూడా ఆమెను టార్చర్ పెట్టేవాడు. డబ్బు తీసుకురావాలంటూ చిత్రహింసలకు గురిచేసేవాడు. పుట్టింటివాళ్లకు అంత స్థోమత లేదని చాందిని సర్థిచెప్పాలని చూసినా వినలేదు. తర్వాత ఆమె గర్భవతి కాగా.. కొద్దిరోజులుగా ఈ వేధింపులు మరింత పెరిగాయి. రోజూ ఆమెను దారుణంగా కొడుతూ హింసించేవారు. ఇటు తనకు మొబైల్ కొనివ్వాలంటూ భర్త కూడా సిగిరెట్లతో కాలుస్తూ నరకం చూపించాడు. తన తల్లిదండ్రులకు చెప్పి కొనిస్తానని.. కొంత సమయం ఇవ్వమని ప్రాధయేపడింది. మొబైల్ కొనివ్వకపోవడంతో భార్యను మరింత చిత్రహింసలు పెట్టాడు. ఆమెను తీవ్రంగా కొట్టడంతో చెయ్యి కూడా విరిగింది.. శుక్రవారం రాత్రి భార్యపై మళ్లీ చేయిచేసుకున్నాడు.. కత్తి తీసుకొని ఆమె ఒంటిపై గాయాలు చేశాడు. భర్త కొట్టిన దెబ్బలు తాళలేక ఆమె చనిపోయింది. చాందిని చనిపోవడంతో కంగారుపడిన భర్త.. మృతదేహాన్నిగదిలో పెట్టాడు. తర్వాత కుటుంబం మొత్తం ఇంటికి తాళం వేసి అక్కడి నుంచి పారిపోయింది. మారుతి ఇంటి పక్కన ఉండేవారికి అనుమానం రావడంతో చాందిని కుటుంబ సభ్యులకు సమాచారం ఇచ్చారు. వారు స్థానికులతో కలిసి తలుపు పగులగొట్టి చూడగా చాందిని విగతజీవిగా ఇంట్లో పడి ఉంది. సమాచారం అందుకున్న పోలీసులు స్పాట్‌కు వెళ్లారు. చాందిని కుటుంబ సభ్యుల ఫిర్యాదుతో కేసు నమోదు చేశారు. నిందితుల కోసం గాలింపు ముమ్మరం చేశారు. త్వరలోనే వారిని పట్టుకుటామని తెలిపారు.
By August 04, 2019 at 12:36PM
No comments