తెల్లజెండాతో వచ్చి.. శవాలను తీసుకెళ్లండి: పాక్‌కు భారత సైన్యం సూచన

జమ్మూ కశ్మీర్లో చొరబాటుకు యత్నించిన పాక్ ఉగ్రవాదులు, బోర్డర్ యాక్షన్ టీం (బీఏటీ-బ్యాట్) ఆర్మీ రెగ్యులర్స్‌లను మట్టుబెట్టింది. శనివారం జరిగిన ఈ కాల్పుల్లో 5-7 మంది మరణించారని భావిస్తున్నారు. ఎల్ఓసీ వద్ద ఇరు వైపుల నుంచి కాల్పుల మోత మోగుతుండటంతో.. ఎంత మంది చనిపోయారనే విషయంలో స్పష్టత లేదు. భారత సైన్యం దాడిలో చనిపోయిన బీఏటీ ఆర్మీ రెగ్యులర్స్ శవాలను తీసుకెళ్లాలని పాకిస్థాన్‌కు సూచించింది. తెల్ల జెండాతో వచ్చి డెడ్ బాడీలను తీసుకెళ్లమని చెప్పింది. కానీ ఇప్పటి వరకూ అటు వైపు నుంచి ఎలాంటి స్పందనా లేకపోవడం గమనార్హం. ‘‘గత 36 గంటలుగా బ్యాట్ స్క్వాడ్ కెరాన్ సెక్టార్లో చొరబాట్లకు యత్నించింది. భారత సైన్యం చొరబాట్లను అడ్డుకునే ప్రయత్నం చేసింది. ఈ క్రమంలో 5-7 మంది బ్యాట్ రెగ్యులర్స్‌ కాల్పుల్లో చనిపోయారు. ఎల్‌ఓసీ వెంట పడి ఉన్న ఈ శవాలను తీసుకెళ్లామని పొరుగు దేశానికి చెప్పాం అని ఆర్మీ ప్రటించింది. కశ్మీర్లో ఉగ్రవాదాన్ని పెంచడం కోసం జైషే మమ్మద్, ఇతర ఉగ్రవాద సంస్థల ద్వారా పాక్ నిరంతరం ప్రయత్నిస్తోందని భారత సైన్యం ఆరోపించింది. ఉగ్రదాడి జరగొచ్చనే నిఘా వర్గాల హెచ్చరికలతో జమ్మూ కశ్మీర్ ప్రభుత్వం అమర్‌నాథ్ యాత్రను అర్ధంతరంగా నిలిపేసిన సంగతి తెలిసిందే.

By August 04, 2019 at 11:09AM

Read More https://telugu.samayam.com/latest-news/india-news/indian-army-offered-pakistan-to-take-back-dead-bodies-of-intruders/articleshow/70519362.cms