ఎప్పటికైనా ఆ సీక్రెట్ తెలుసుకుంటా.. రవితేజపై అనసూయ కామెంట్స్ వైరల్

బుల్లితెరపై మస్త్ పాపులారిటీ సంపాదించిన యాంకర్ అనసూయ.. ప్రస్తుతం వెండితెరపై కూడా అదే హవా నడిపిస్తోంది. వరుస సినిమాలతో బిజీ బిజీగా గడుపుతోంది. రవితేజ హీరోగా తెరకెక్కిన 'ఖిలాడి' సినిమాలో చంద్రకళ క్యారెక్టర్ పోషిస్తోంది. చిత్రంలో ఈ క్యారెక్టర్ చాలా కీలకం కానుందట. ఫిబ్రవరి 11వ తేదీన ఈ సినిమా రిలీజ్ కానుంది. ఈ నేపథ్యంలో తాజాగా జరిగిన ప్రీ రిలీజ్ ఈవెంట్‌లో మాస్ మహారాజ్‌ రవితేజపై చేసిన కామెంట్స్ వైరల్ అవుతున్నాయి. ముందుగా మాస్ మహారాజా ఫ్యాన్స్ అందరికీ థ్యాంక్స్ చెబుతూ వేదిక ప్రాంగణాన్ని హుషారెత్తించింది యాంకర్ అనసూయ. ''ఖిలాడీ గురించి ఎంత చెప్పినా తక్కువే. ఈ సినిమాలో చంద్రకళ క్యారెక్టర్ పోషించడం చాలా లక్కీగా ఫీల్ అవుతున్నా. నా కెరీర్‌లో 10 సినిమాలోపలే ఇలాంటి సినిమాలో నటించే అవకాశం రావడం నా అదృష్టం. రవితేజ గారికి థ్యాంక్స్. రవితేజను చూస్తే నాకు ప్రాణాయామం చేసిన ఫీలింగ్ వచ్చేస్తుంది. ఆయన ఓ బెస్ట్ కో- స్టార్. ఈ సినిమా కోసం ఇన్నిరోజులు ఆయనతో ట్రావెల్ చేశాను కానీ ఆయన ఎనర్జీ సీక్రెట్ ఏంటో తెలుసుకోలేకపోయా. కానీ పట్టుదలని విక్రమార్కుడిలా అది ఎప్పటికైనా తెలుసుకుంటా. ఈ సినిమాలో అవకాశం ఇచ్చినందుకు దర్శకనిర్మాతలకు స్పెషల్ థ్యాంక్స్'' అని చెప్పింది అనసూయ. జయంతిలాల్‌ గడ సమర్పణలో హ‌వీష్ ప్రొడ‌క్ష‌న్‌, పెన్ స్టూడియోస్ బ్యానర్‌పై రూపొందిన ఈ ఖిలాడి సినిమాకు రమేశ్ వర్మ దర్శకత్వం వహించారు. చిత్రంలో రవితేజ సరసన మీనాక్షి చౌదరి, డింపుల్ హయతి హీరోయిన్లుగా నటించారు. ఈ డిఫరెంట్ స్టోరీ మాస్ మహారాజ్ అభిమానులకు పూనకాలు తెప్పించనుందని తెలుస్తుండటం సినిమాపై మరింత ఆసక్తి రేకెత్తిస్తోంది. ఇప్పటికే విడుదలైన సాంగ్స్, ఇతర అప్డేట్స్ భారీ రెస్పాన్స్ తెచ్చుకున్నాయి.

By February 10, 2022 at 12:26AM

Read More https://telugu.samayam.com/telugu-movies/cinema-news/khiladi-pre-release-event-anasuya-comments-on-ravi-teja/articleshow/89462469.cms