Breaking News

ఒమిక్రాన్ వ్యాప్తి పెరుగుదలతో ప్రమాదం.. కొత్త వేరియంట్ల ముప్పు: WHO హెచ్చరిక


ప్రమాదకర గురించి ప్రపంచ ఆరోగ్య సంస్థ (డబ్ల్యూహెచ్ఓ) మరోసారి తీవ్ర ఆందోళన వ్యక్తం చేసింది. ప్రపంచవ్యాప్తంగా ఒమిక్రాన్ కేసుల పెరుగుదలతో కొత్త, ప్రమాదకర వేరియంట్లు పుట్టుకొచ్చే ప్రమాదం ఉందని బుధవారం హెచ్చరించింది. ఈ వేరియంట్ ప్రపంచవ్యాప్తంగా దావానలంలా వ్యాపిస్తున్నప్పటికీ తొలుత భయపడిన దానికంటే తీవ్రత చాలా తక్కువగా ఉన్నట్లు కనిపిస్తోంది. దీంతో మహమ్మారిని జయించి కరోనాకు ముందున్న సాధారణ పరిస్థితికి నెలకొంటుందనే ఆశలను రేకెత్తిస్తోంది. కానీ, డబ్ల్యూహెచ్ఓ అత్యవసర విభాగం సీనియర్ అధికారి క్యాథరిన్ స్మాల్‌వుడ్ ఏఎఫ్‌పీతో మాట్లాడుతూ తీవ్ర హెచ్చరికలు చేశారు. పెరుగుతున్న ఇన్ఫెక్షన్ రేట్లు వ్యతిరేక ప్రభావాన్ని చూపుతాయని, అప్రమత్తంగా ఉండాలని సూచించారు. ‘ఒమిక్రాన్ ఎంత ఎక్కువగా వ్యాపిస్తే, అది ఎంత ఎక్కువ ఇన్‌ఫెక్షన్‌ను ప్రసారం చేస్తుంది.. ఎక్కువగా రెప్లికేషన్ చెంది కొత్త రూపాన్ని సంతరించుకునే అవకాశం ఉంది. . అలాంటప్పుడు ఒమిక్రాన్ ప్రాణాంతకంగా మారి మరణానికి కారణమవుతుంది ... ప్రస్తుతం డెల్టా కంటే కొంచెం తక్కువగా ఉండవచ్చు, కానీ తదుపరి జన్యుమార్పిడి ఎంత తీవ్రంగా ఉంటుందో చెప్పలేం’ అని అన్నారు. ‘కరోనా మహమ్మారి ప్రారంభమైనప్పటి నుంచి ఇప్పటి వరకూ ఐరోపాలో 100 మిలియన్ కోవిడ్ కేసులు నమోదయ్యాయి.. ఇందులో 5 మిలియన్లకుపైగా 2021 చివరి వారంలోనే బయటపడ్డాయి..గతంలో మనం చూసింది దాదాపు చాలా తక్కువ’ అని తెలిపారు. ‘మనం ప్రస్తుతం చాలా ప్రమాదకర దశలో ఉన్నాం.. పశ్చిమ ఐరోపాలో ఇన్‌ఫెక్షన్ రేటు చాలా వేగంగా ఉంది.. దీని పూర్తి ప్రభావం గురించి స్పష్టత లేదు’ అని స్మాల్‌వుడ్ పేర్కొన్నారు. డెల్టాతో పోల్చితే ఒమిక్రాన్ వేరియంట్ ఆస్పత్రిలో చేరే ప్రమాదం తక్కువగానే ఉన్నా.. మొత్తంగా చూస్తే కేసుల పెరుగుదలతో భారీ ముప్పు పొంచి ఉందని హెచ్చరించారు. కేసులు ఈ విధంగానే పెరుగుతూ ఉంటే చాలా మందికి తీవ్ర ఇన్‌ఫెక్షన్‌కు దారితీసి ఆస్పత్రిలో చేరు ముప్పును కలిగించడమే కాదు మరణానికి కారణమవుతుంది అని క్యాథరిన్ ఆందోళన వ్యక్తం చేశారు. ఒమిక్రాన్ బాధితులు ఆస్పత్రుల్లో చేరే సంఖ్య క్రమంగా పెరుగుతుండటంతో ఆరోగ్య సంరక్షణ వ్యవస్థపై ఒత్తిడి పెరుగుతున్నట్టు బ్రిటన్ మంగళవారం వెల్లడించింది. అక్కడ తొలిసారిగా రెండు లక్షల కేసులు బయటపడ్డాయి. ఈ నేపథ్యంలో ఐరోపాలోని మిగతా దేశాల్లోనూ ఇదే పరిస్థితి నెలకునే అవకాశం ఉందని స్మాల్‌వుడ్ ఆందోళన వ్యక్తం చేశారు.


By January 05, 2022 at 08:59AM


Read More https://telugu.samayam.com/latest-news/international-news/soaring-omicron-cases-could-lead-to-more-dangerous-variants-warns-who/articleshow/88702456.cms

No comments