NBK 107: బాలకృష్ణ తదుపరి సినిమా లేటెస్ట్ అప్‌డేట్.. గోపీచంద్ ప్లాన్ ఇదే!!
'అఖండ' సినిమాతో సూపర్ సక్సెస్ అందుకున్న నందమూరి తన తదుపరి సినిమా కోసం సిద్ధమవుతున్నారు. వరుస ప్రాజెక్ట్స్‌తో బిజీగా బిజీగా ఉంటూ కుర్ర హీరోలకు గట్టి పోటీ ఇస్తున్న బాలయ్య బాబు.. మరో మాస్ డైరెక్టర్ గోపీచంద్ మలినేనితో కమిటైన సంగతి తెలిసిందే. ఈ ప్రాజెక్టు ఉంటుందని తెలిసినప్పటి నుంచి నందమూరి అభిమానుల్లో క్యూరియాసిటీ మొదలైంది. పైగా బాలకృష్ణ కోసం గోపీచంద్ పవర్‌ఫుల్ స్టోరీ రెడీ చేసి రంగంలోకి దిగుతున్నారని తెలియడం మరింత ఆసక్తి రేకెత్తిస్తోంది. ఈ నేపథ్యంలో తాజాగా ఈ సినిమా షూటింగ్ గురించిన అప్‌డేట్ తెలిసింది. బాలకృష్ణ- కాంబోలో NBK 107గా రాబోతున్న ఈ సినిమాను బాలయ్య బాబు బర్త్ డే సందర్భంగా అధికారికంగా ప్రకటించి కొద్ది రోజుల క్రితం పూజా కార్యక్రమాలతో లాంఛనంగా ప్రారంభించారు. ఇక ఇప్పటికే ప్రీ ప్రొడక్షన్ వర్క్స్ ఫినిష్ చేసిన గోపీచంద్ మలినేని.. ఈ చిత్ర రెగ్యులర్ షూటింగ్ ఈ నెల 11 నుంచే మొదలు పెట్టాలని ప్లాన్ చేశారు. కానీ కరోనా పరిస్థితుల కారణంగా కొద్దిరోజుల పాటు వాయిదా వేశారు. అయితే లాటెస్ట్ సమాచారం మేరకు ఫిబ్రవరి 12వ తేదీ నుంచి ఫస్ట్ షెడ్యూల్ ప్రారంభించాలని ఆయన ఫిక్సయ్యారట. హైదరాబాద్ లోని రామోజీ ఫిల్మ్ సిటీలో ఫస్ట్ షెడ్యూల్ చిత్రీకరణ స్టార్ట్ చేసి హీరో బాలకృష్ణ సహా ఇతర ముఖ్య తారాగణంపై భారీ యాక్షన్ ఎపిసోడ్ షూట్ చేయబోతున్నారట గోపీచంద్ మలినేని. ఇది పూర్తయిన కొన్ని రోజులకు కడపలో మరో లాంగ్ షెడ్యూల్ ప్లాన్ చేశారని టాక్. వేటపాలెంలో జరిగిన ఓ సంఘటన ఆధారంగా రాయలసీమ నేపథ్యంలో ఈ మూవీ రూపొందనుందని అంటున్నారు. ఈ చిత్రాన్ని మైత్రీ మూవీ మేకర్స్ ప్రతిష్టాత్మకంగా నిర్మించనుంది. బాలకృష్ణ సరసన హీరోయిన్‌గా శృతి హాసన్‌ నటించనుంది. అర్జున్, వరలక్ష్మి శరత్ కుమార్ ముఖ్య పాత్రలు పోషించనున్నారు.
By January 26, 2022 at 06:51AM
No comments