Mani Ratnam : హీరోగా మారుతున్న స్టార్ సింగర్ .. సాహసం చేస్తున్న మణిరత్నం!
స్టార్ డైరెక్ట‌ర్ మణిరత్నం గురించి ఇండియ‌న్ సినీ ప్రేక్ష‌కుల‌కు కొత్త‌గా పరిచయం అక్క‌ర్లేదు. ప్రేమ క‌థా చిత్రాల‌ను కొత్త కోణంలో ఆవిష్క‌రించాలంటే ఆయ‌న త‌ర్వాతే ఎవ‌రైనా అంత గొప్ప విజువ‌ల్స్‌, క‌థాంశం, ల‌వ్‌, ఎమోష‌న్స్‌తో సినిమాను ఆయ‌న ప్రెజంట్ చేస్తుంటారు. కొత్త కొత్త ఎక్స్‌పెరిమెంట్స్ కూడా చేస్తుంటారాయ‌న. తాజాగా ఇప్పుడు మ‌రో ప్రయోగానికి మణిరత్నం సిద్ధ‌మైన‌ట్లు సినీ వ‌ర్గాల్లో వార్త‌లు వినిపిస్తున్నాయి. ఇంత‌కీ మణిరత్నం చేయ‌బోయే ఎక్స్‌పెరిమెంట్ ఏంటో తెలుసా? సింగ‌ర్‌ను హీరోగా పరిచయం చేయ‌డ‌మే. అందులో ఏముంది? అని అనుకుంటున్నారా? ఆస‌క్తిక‌ర‌మైన విష‌య‌మేమంటే.. ఆయ‌న సింగర్గా సినీ ఇండ‌స్ట్రీకి పరిచయం చేసిన వ్య‌క్తే . ఇంత‌కీ ఎవ‌రా సింగర్ అనుకుంటున్నారా? ప్ర‌స్తుతం స్టార్ సింగర్గా అంద‌రి మ‌న్న‌న‌లు పొందుతున్న సిద్ శ్రీరామ్. మణిరత్నం ద‌ర్శ‌క‌త్వంలో వ‌చ్చిన ‘కడలి’ సినిమాతో సింగర్గా అందిర‌కీ పరిచయం అయ్యారు. అక్క‌డ నుంచి ఆయ‌న వెనుదిరిగి చూసుకోలేదు. డిఫ‌రెంట్ వాయిస్‌తో సిద్ పాడే పాట‌ల‌కు తెలుగులో పిచ్చ క్రేజ్ ఉంది. ఆయ‌న త‌మ సినిమాలో పాట పాడితే, సినిమాకు అది ఎంతో ప్ల‌స్ అవుతుంద‌ని భావిస్తున్న నిర్మాత‌లెంద‌రో ఉన్నారు. అలాగే సిద్ శ్రీరామ్ పాడిన పాట‌ల‌కు యూ ట్యూబ్‌లో మిలియ‌న్ వ్యూస్ వస్తుంటాయి. సింగర్గా చాలా బిజి బిజీగా ఉంటున్న సిద్ శ్రీరామ్‌ను ఇప్పుడు మ‌న ఏస్ డైరెక్ట‌ర్ మ‌ణి ర‌త్నం హీరోగా పరిచయం చేయ‌బోతున్నారు. ఇప్ప‌టికే స్క్రిప్ట్‌కు సంబంధించిన చ‌ర్చ‌లు పూర్త‌య్యాయ‌ని.. సిద్ శ్రీరామ్ కూడా యాక్టింగ్ చేయ‌డానికి ఓకే చెప్పార‌నేది ఇండ‌స్ట్రీ వ‌ర్గాల్లో వినిపిస్తోన్న టాక్‌. మ‌రి ఈ సినిమాను మణిరత్నం డైరెక్ట్ చేస్తారా? లేక ప్రొడ్యూస్ మాత్ర‌మే చేసి మ‌రేవ‌రితోనైనా డైరెక్ట్ చేయిస్తారా? అనేది తెలియాలంటే కొన్ని రోజులు ఆగాల్సిందే. మణిరత్నం విష‌యానికి వ‌స్తే.. ఆయ‌న ప్ర‌స్తుతం భారీ బడ్జెట్‌తో పొన్నియ‌న్ సెల్వ‌న్ అనే హిస్టారిక‌ల్ మూవీని తెర‌కెక్కిస్తున్నారు. విక్ర‌మ్‌, జ‌యం ర‌వి, ఐశ్వ‌ర్యా రాయ్ వంటి భారీ తారాగ‌ణం ఇందులో న‌టిస్తున్నారు. పాన్ ఇండియా రేంజ్‌లో విడుద‌ల కానున్న ఈ సినిమాను ప్ర‌ముఖ నిర్మాణ సంస్థ లైకా ప్రొడ‌క్ష‌న్స్ నిర్మిస్తోంది.
By January 10, 2022 at 10:51AM
No comments